مۇنداي سپورتتىق ءىس-شارا پوليسيا بولىمشەلەرىندە رەسپۋبليكالىق دەڭگەيدە العاش رەت وتكىزىلىپ وتىر.
ۇيىمداستىرۋشىلار – پد-نىڭ ارنايى جانە جۇمىلدىرۋ دايىندىعى باسقارماسى. ول قازاقستان پوليسياسى كۇنىنە وراي ۇيىمداستىرىلعان، دەپ حابارلايدى Almaty-akshamy.kz.
«بۇل ماۋسىم ايىنىڭ ءۇشىنشى ونكۇندىگىنە جوسپارلانعان ق ر ىشكى ىستەر ءمينيسترىنىڭ كۋبوگى ءۇشىن ىرىكتەۋ كەزەڭى بولدى. بۇل جەكە قۇرامنىڭ سپورتتىق دايىندىعى جاعىنان جاڭا باعىت. ناتيجە تاماشا. ارىپتەستەرىمىزدىڭ اراسىندا تۋرنير جارتىلاي كاسىپقوي شاحماتشىلار دا بار. ءبىز ءوز قاتارىمىزدا سپورتتىڭ بۇل ءتۇرىن ودان ءارى دامىتۋدى جالعاستىرامىز. جاڭا چەمپيونداردى دايىنداۋ كەرەك»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى داۋرەن وتەبايەۆ.
ءادىلقازىلار القاسىنىڭ حاتتاماسى بويىنشا ءبىرىنشى ورىندى بوستاندىق اۋداندىق پب-نىڭ ۋچاسكەلىك ينسپەكتورى ازامات الماس ۇلى، ەكىنشى ورىندى جقاج ينسپەكتورى مەرەكە مۇقاتايەۆ، ءۇشىنشى ورىندى جپقب پپپ مامانداندىرىلعان باتالونىنىڭ اعا ينسپەكتورى راسۋل ماقسۇتوۆ يەلەندى.