الماتى قالاسىنىڭ 35 جاستاعى تۇرعىنىنان 5 كەلىگە جۋىق ۇنتاق زات تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەدەل ءىس-شارالاردى جۇرگىزۋ بارىسىندا ءبىزدىڭ بولىمشە قىزمەتكەرلەرى 35 جاستاعى ل.ەسىمدى ازاماتتىڭ باسقارۋىنداعى اۆتوكولىگىن توقتاتتى. كولىكتى تەكسەرۋ بارىسىندا جۇك سالعىشتان ۇنتاقتى زات سالىنعان 20 بايلام جانە ەكى بىردەي پوليەتيلەن بۋماسى تابىلدى. ساراپتاما قورىتىندىسى بويىنشا تاركىلەنگەن ءشوپتىڭ جالپى سالماعى 4،7 كەلىنى قۇرايتىن سينتەتيكالىق “مەفەدرون” ەسىرتكىسى ەكەندىگى انىقتالدى. قازىرگى تاڭدا ەسىرتكى تاراتۋ جولدارىن، ارناسىن انىقتاپ جاتىرمىز. اتالعان دەرەك بويىنشا ق ر قك-نىڭ 296-بابى 4-بولىگىنە سايكەس سوتقا دەيىنگى تەرگەۋ امالدارى باستالدى»، – دەدى اۋەزوۆ اۋداندىق پب-عا قاراستى پوليسيا ءبولىمىنىڭ باستىعى ەدىلحان بايعارايەۆ.