قازىرگى ۋاقىتتا قالادا اباتتاندىرۋ ەرەجەلەرى مەن سانيتارلىق نورمالاردى بۇزۋ دەرەكتەرىن انىقتاۋ جانە جولىن كەسۋ بويىنشا الدىن الۋ شارالارى جۇرگىزىلۋدە.
بارلىق تارتىلعان قىزمەتتەر مەن بولىمدەردىڭ ىس-ارەكەتتەرىن ۇيلەستىرۋ جانە كەلىپ تۇسەتىن اقپاراتتى قورىتىندىلاۋ ءۇشىن ءموبيلدى جانە جۇمىس توپتارى قۇرىلدى. ءىس-شارا اكىمدىكتەرمەن جانە اۋداندىق سانيتارلىق-ەپيدەميولوگيالىق قىزمەتتەرمەن بىرلەسىپ جۇرگىزىلىپ، سىرتقى پوليسيا قىزمەتىنىڭ مۇمكىندىكتەرى پايدالانىلۋدا، دەپ حابارلايدى aqshamnews.kz.
– تاجىريبە كورسەتكەندەي، كەيبىر ازاماتتار قوعامدىق ورىنداردى، ساياباقتاردى، سكۆەرلەردى ادەيى لاستايدى. قوقىس بەلگىلەنبەگەن جەرلەرگە تاستالادى. ءىس-شارانىڭ نەگىزگى ماقساتى – قالا ينفراقۇرىلىمىنا قامقورلىق جاساۋ قۇندىلىقتارىن دامىتۋ، تۇرعىندار اراسىندا جوعارى ازاماتتىق جاۋاپكەرشىلىك پەن ەكولوگيالىق مادەنيەتتى تاربيەلەۋ، جەكە ەكولوگيالىق باستامالاردى قولداۋ جانە ولاردى جۇزەگە اسىرۋ ءۇشىن جاعداي جاساۋ. مۇنداي دەرەكتەردى انىقتاپ، جولىن كەسۋ – جەرگىلىكتى پوليسيا قىزمەتىنىڭ ءبىرىنشى كەزەكتەگى جانە كۇندەلىكتى مىندەتى، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
باسقا دا مۇددەلى قىزمەتتەرمەن بىرلەسكەن جۇمىس تيىمدىرەك ەكەنىن اتاپ وتكەن ءجون، ويتكەنى قۇقىق بۇزۋشىلارمەن تۇسىندىرمەلىك اڭگىمەلەسۋلەر قورشاعان ورتاعا تەرىس اسەر ەتەتىن، سايىپ كەلگەندە، قالامىزدىڭ اتموسفەراسىنا كەرى اسەر ەتەتىن بيولوگيالىق رەاكسيالاردى تۇسىندىرۋگە دەيىن جۇرگىزىلەدى.
– قۇرمەتتى قالا تۇرعىندارى مەن قوناقتارى! بارلىعىڭىزدى ءوزىمىز تۇراتىن جەردى قورعاۋدىڭ قانشالىقتى ماڭىزدى ەكەندىگى تۋرالى ويلاۋعا شاقىرامىن. ول ءۇشىن تەك قوقىس، پلاستيك جانە باسقا دا قالدىقتاردى تاستاماۋ، تابيعي رەسۋرستارعا اباي بولۋ كەرەك. ءبىزدىڭ الماتى تازا ءارى ءقاۋىپسىز بولۋى كەرەك!، – دەدى، پولكوۆنيك شۋمايەۆ.