الماتى پوليسياسى قوعامدا “قۇقىق بۇزۋشىلىققا مۇلدەم توزبەۋشىلىكتى” قالىپتاستىرۋعا ەرەكشە كوڭىل بولۋدە، دەپ حابارلايدى aqshamnews.kz Polisia.kz-كە سىلتەمە جاساپ.
– مۇلدەم توزبەۋشىلىك – ۇساق قۇقىق بۇزۋشىلىقتارعا قارسى ارەكەت. اركىم ازاماتتاردىڭ قۇقىعىن قۇرمەتتەپ، قوعامدىق تىنىشتىقتى بۇزباي، ءوز مادەنيەتىن كورسەتۋى كەرەك. اكىمشىلىك زاڭناما تالاپتارىنا سايكەس، قوعامدىق ورىنداردى لاستاعانى جانە قالانى اباتتاندىرۋ ەرەجەلەرىن بۇزعانى ءۇشىن 20-دان 300 اەك-كە دەيىن ايىپپۇل تۇرىندە جاۋاپكەرشىلىك قاراستىرىلعان، – دەدى الماتى قالاسى پد جەرگىلىكتى پوليسيا قىزمەتى باسقارماسىنىڭ باسشىسى سەرىك شۋمايەۆ.
الماتىدا جىل باسىنان بەرى وسىعان ۇقساس 36 مىڭنان استام قۇقىق بۇزۋشىلىق انىقتالدى. سونداي-اق پوليسەيلەر ۇساق قۇقىق بۇزۋشىلىقتاردىڭ جولىن كەسۋدە قالاداعى زاڭدىلىق پەن ءتارتىپتىڭ جاي-كۇيىنە بەي-جاي قارامايتىن ازاماتتىق قوعامعا ەرەكشە ءرول بەرىلگەنىن اتاپ ءوتتى.
– الماتى پوليسياسى بەلسەندى ازاماتتىق ۇستانىمى حالىق اراسىندا “تارتىپسىزدىك پەن قىلمىسقا مۇلدەم توزبەۋشىلىك”، سونداي-اق جاسالعان زاڭسىز ارەكەتتەر ءۇشىن “جازانىڭ بۇلتارتپاستىعى” قاعيداتتارىن سىڭىرۋگە كومەكتەسەتىن قوعام وكىلدەرىنە ەرەكشە العىسىن بىلدىرەدى، – دەدى شۋمايەۆ.
ەستەرىڭىزگە سالا كەتەيىك، 2024 جىلدىڭ 16 قىركۇيەگىنەن باستاپ الماتىدا “تازا قازاقستان” ناۋقانى اياسىندا اباتتاندىرۋ سالاسىنداعى زاڭ بۇزۋشىلىقتارمەن كۇرەسۋ شارالارى كۇشەيتىلدى: بارلىق جەردە رەيدتىك جانە جەرگىلىكتى تەكسەرۋلەر جۇرگىزىلۋدە.