پوليسەيلەر مەيرامحانالار، بارلار مەن تاۋلىك بويى جۇمىس ىستەيتىن دۇكەندەردى تەكسەردى.
مەدەۋ اۋداندىق پوليسياسىنىڭ مالىمەتىنشە، تۇندە 14 ويىن-ساۋىق ورنى تەكسەرىلدى، دەپ حابارلايدى اlmaty-akshamy.kz inbusiness.kz سايتىنا سىلتەمە جاساپ.
مۇنداي ءىس-شارا نەگىزىنەن دەمالىس كۇندەرى، جۇيەلى تۇردە جۇرگىزىلەدى. ون كافە، مەيرامحانا، بار، ەكى كومپيۋتەرلىك كلۋب، سونداي-اق تاۋلىك بويى جۇمىس ىستەيتىن ەكى دۇكەندە جەرگىلىكتى رەيدتەر جۇرگىزىلدى.
«اتالعان تۇنگى مەكەمەلەردىڭ 17 اكىمشىسى مەن باسشىسىنا قاتىستى ق ر اقبك-نىڭ 441-بابى 3-بولىگى بويىنشا اكىمشىلىك حاتتامالار جاسالىپ، اتالعان باردىڭ كليەنتتەرىنىڭ اراسىنان تاعى جەتى ادام ق ر اقبك-نىڭ 441-بابى 1-بولىگىمەن اكىمشىلىك جاۋاپكەرشىلىككە تارتىلدى. سونداي-اق كومپيۋتەرلىك كلۋبتاردىڭ بىرىندە ساعات 23.00-دەن كەيىن كامەلەتكە تولماعان ءجاسوسپىرىم انىقتالدى. اتالعان مەكەمە مەنەدجەرىنە قاتىستى ق ر اقبك-نىڭ 442-بابى 4-بولىگىندە كوزدەلگەن قۇقىق بۇزۋشىلىق دەرەگى بويىنشا اكىمشىلىك ماتەريال جينالدى»، - دەدى مەدەۋ اۋداندىق پوليسيا باسقارماسىنىڭ باستىعى، پوليسيا پولكوۆنيگى ءىلياس ومىرسەرىكوۆ.
بۇعان دەيىن الماتى قالالىق پد، 9 ويىن-ساۋىق مەكەمەسى ورنالاسقان ۇيگە پوليسيا قىزمەتكەرلەرىنىڭ 300-دەن استام رەت بارعانىن ايتتى.
ەسكە سالايىق، ماسەلە تولەبايەۆ پەن قابانباي باتىر كوشەلەرىنىڭ قيىلىسىنا جاقىن جەردە ورنالاسقان كلۋبتار مەن بارلار تۋرالى بولىپ وتىر.
«102» پۋلتىنە 300-دەن استام سيگنال كەلىپ ءتۇستى، ولارعا پاترۋلدىك پوليسيا مەن ۋچاسكەلىك ينسپەكتورلار دەرەۋ ارەكەت ەتەدى. قابىلدانعان شارالاردىڭ ناتيجەسىندە اتالعان مەكەمەلەردىڭ اكىمشىلىگى مەن كەلۋشىلەرىنەن 901 ادام ءتۇرلى قۇقىق بۇزۋشىلىقتار جاساعانى ءۇشىن جاۋاپكەرشىلىككە تارتىلدى.