الماتى پوليسياسىنىڭ قىزمەتكەرلەرى لاڭكەستىك ارەكەتكە وسال نىسانداردا تاقىرىپتىق ساباقتار وتكىزىپ جاتىر.
ولاردىڭ قاتارىندا وقۋ ورىندارى دا بار، ولاردىڭ قىزمەتكەرلەرى ءۇشىن “تەررورلىق قاۋىپ-قاتەر كەزىندەگى ءوزىن-وزى ۇستاۋ ەرەجەلەرى” تاقىرىبىندا سەمينار ۇيىمداستىرىلدى، دەپ حابارلايدى aqshamnews.kz Polisia.kz-كە سىلتەمە جاساپ.
پوليسيا وكىلى ءلاو نىساندارىن لاڭكەستىككە قارسى قورعاۋدى ۇيىمداستىرۋ ەرەجەلەرىنە توقتالىپ، بۇل جۇمىس ەرەكشە باقىلاۋدا ەكەنىن اتاپ ءوتتى. وقىتۋ شارالارىمەن تەرروريستىك تۇرعىدان وسال نىسانداردىڭ بارلىعى 850 باسشى مەن 13 مىڭنان استام قىزمەتكەر قامتىلدى. سونىمەن قاتار ەكسترەميزمگە قارسى كۇرەس بولىمشەسى ءلاو نىسانىنىڭ دايىندىعى تۇراقتى تۇردە تەكسەرىلىپ جاتقانىن، ناتيجەسىندە 303 نىساننىڭ باسشىلارىنا تەرروريزمگە قارسى قاۋىپسىزدىكتى قامتاماسىز ەتۋ بويىنشا بەلگىلەنگەن تالاپتاردى بۇزۋدى جويۋ تۋرالى ۇيعارىم شىعارىلعانىن ايتىپ ءوتتى.