الماتى پوليسياسى تاكسوپارك باسشىلارىمەن جيىن وتكىزدى

كەزدەسۋ ونلاين رەجيمدە ءوتتى.

الماتى پوليسياسىندا تاكسي قىزمەتىنىڭ باسشىلارىمەن جيىن ءوتتى، – دەپ حابارلايدى Almaty-akshamy.kz Polisia.kz سايتىنا سىلتەمە جاساپ.

ونىڭ ماقساتى – بىرلەسكەن ءوزارا ءىس-قيمىلدى جاقسارتۋ ماسەلەلەرىن قاراستىرۋ.

«تاكسي قىزمەتىنىڭ وكىلدەرى مەن تاكسي جۇرگىزۋشىلەرىنىڭ قاتىسۋىمەن بولعان جول-كولىك وقيعالارىنىڭ سەبەپتەرى – ولاردىڭ جول قوزعالىسى ەرەجەلەرىن بۇزۋى، جول-كولىك وقيعالارى مەن اپاتتاردىڭ تۋىنداۋىنا ىقپال ەتۋ ماسەلەلەرى تالقىلاندى. تيپتىك مىسالدار كەلتىرىلگەن. جۇرگىزۋشى قۇرامى اراسىندا قۇقىقتىق ءتارتىپتى ساقتاۋدى كۇشەيتۋ قاجەتتىگىنە ەرەكشە نازار اۋداردىق. سونىمەن قاتار، كەزدەسۋ بارىسىندا «ەستۋشى مەملەكەت» تۇجىرىمداماسى اياسىندا ىسكە قوسىلعان «102» ءموبيلدى قوسىمشاسىنىڭ تۇساۋكەسەرى ءوتتى. بۇل قوسىمشا ازاماتتاردان پوليسياعا حابارلامالاردى قابىلداۋدىڭ جاڭا پروسەسى بولىپ تابىلادى. قۇقىق بۇزۋشىلىققا كۋا بولعان تاكسي جۇرگىزۋشىلەرىن اتالعان قوسىمشا ارقىلى ءتيىستى اقپاراتتى جىبەرىپ وتىرۋعا شاقىردىق»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى ەرجان ۇزابايەۆ.