الماتى پوليسياسى شاعىن فۋتبولدان تۋرنير وتكىزدى

الماتى قالاسى پد بولىمشەلەرى اراسىندا ۇيىمداستىرىلعان تۋرنير «اباي»ستاديونىندا ءوتتى.

وعان 15 كوماندا قاتىستى، ياعني 180 ادام قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«ءار ۋاقىتتا دەنە شىنىقتىرۋ جانە سپورت پوليسيا قىزمەتكەرلەرىنە جەدەل-قىزمەتتىك تاپسىرمالاردى ءساتتى ورىنداۋعا ىقپال ەتەتىن جاڭا داعدىلاردى مەڭگەرۋگە كومەكتەسەدى. بۇگىنگى ويىن جارقىن ءارى قىزىق بولدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.

ءادىلقازىلار القاسىنىڭ شەشىمى بويىنشا 1-ورىندى الماتى قالاسى پد اپپاراتىنىڭ قۇراما كومانداسى يەلەندى. ال 2-ورىندى جقاج كومانداسى جەڭىپ الدى. جۇلدەلى 3-ورىن تۇركسىب اۋداندىق پوليسيا باسقارماسىنىڭ كومانداسىنا بۇيىردى. ەرەكشەلەنگەن قىزمەتكەرلەرگە سىيلىقتار تابىس ەتىلدى. اتاپ ايتقاندا، “ۇزدىك قاقپاشى” نوميناسياسى بويىنشا تۇركسىب اۋداندىق پب-نىڭ جەدەل ۋاكىلى بالابەك الماس ەرەكشەلەندى. “ۇزدىك قورعاۋشى” المالى اۋدانى پب-نىڭ اعا تەرگەۋشىسى احمەت زامانبەك اتاندى. ال “ءتۋرنيردىڭ ۇزدىك ويىنشىسى” اتاعى جقاج اعا ينسپەكتورى دەمەسىن ءدىناسىلعا بەرىلدى.