شاھاردا 1 قاراشاعا دەيىن ماسەلەلەردى زەردەلەۋ، قۇقىق بۇزۋشىلىقتىڭ الدىن الۋ جانە ەسكەرتۋ ءۇشىن اكىمشىلىك وكرۋگ تۇرعىندارىن بارىنشا قامتۋعا باعىتتالعان «ۋچاسكە» رەسپۋبليكالىق جەدەل الدىن الۋ ءىس-شاراسى وتەدى.
قالا پوليسەيلەرى الماتىداعى اكىمشىلىك اۋماقتاردا قۇقىق بۇزۋشىلىقتىڭ الدىن الۋ شارالارىن كۇشەيتتى، – دەپ حابارلايدى aqshamnews.kz Polisia.kz-كە سىلتەمە جاساپ.
«ءبىز جۇرگىزەتىن پاتەرلەردى جانە ۇيلەردى تەكسەرۋ ءبىرىنشى كەزەكتە قىلمىستىق احۋالدى جاقسارتۋعا، زاڭسىز ارەكەتتەرمەن اينالىساتىن ادامداردى، كۇدىكتى ازاماتتاردى انىقتاۋعا، پاتەرلەر مەن ۇيلەردى زاڭسىز جالعا بەرۋ دەرەكتەرىن انىقتاۋعا باعىتتالعان. ساياجايلار، تۇرمىسى ناشار وتباسىلار، جاستار مەن كامەلەتكە تولماعاندار شوعىرلاناتىن ورىندار، ازاماتتىق قارۋ يەلەرى مەن شەتەلدىكتەر قوعامعا جات ارەكەتتەر مەن قاراۋسىز قالدىرۋ جاعدايلارىن بولدىرماۋ ءۇشىن تەكسەرىلەتىن بولادى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
پوليسيا قىزمەتكەرلەرىنە ازاماتتارمەن تىعىز، سەنىمدى قارىم-قاتىناس ورناتۋ، سونداي-اق قىلمىستاردىڭ الدىن الۋ، انىقتاۋ، جولىن كەسۋ جانە قۇقىق بۇزۋشىلىقتىڭ الدىن الۋ مىندەتى جۇكتەلگەن. ءتارتىپ ساقشىلارى قالا تۇرعىندارى مەن قوناقتارىن پوليسياعا بارىنشا كومەك كورسەتۋگە جانە قابىلدانىپ جاتقان قاۋىپسىزدىك شارالارعا تۇسىنىستىكپەن قاراۋعا شاقىرادى.