9 قاراشادان باستاپ الماتى پوليسياسى قىزمەتتىڭ كۇشەيتىلگەن نۇسقاسىنا كوشتى.
ءىس-شارانى وتكىزۋگە ۇلتتىق ۇلاننىڭ اسكەري قىزمەتشىلەرىمەن بىرگە پوليسيا قىزمەتتەرى مەن بولىمشەلەرىنىڭ قىزمەتكەرلەرى جۇمىلدىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءتيىستى قوعامدىق ءتارتىپتى ساقتاۋ، كوشەلەردە جانە باسقا دا قوعامدىق ورىنداردا قۇقىق بۇزۋشىلىقتىڭ الدىن الۋ جانە جولىن كەسۋ ماقساتىندا ءىس-شارا اياسىندا قالا اۋماعىندا پوليسيا جاساعىنىڭ، ونىڭ ىشىندە جاياۋ پاترۋلدەردىڭ تىعىزدىعى ارتتىرىلدى.
قۇقىق بۇزۋشىلىققا مۇلدەم توزبەۋشىلىك اياسىندا پوليسيا قىزمەتكەرلەرى مەن اسكەري قىزمەتشىلەر كوشەلەردى، اۋلالاردى، الاڭداردى، ساياجايلاردى جانە باسقا دا قوعامدىق ورىنداردى ارالاۋدا. سونىمەن قاتار پوليسيا كوشى-قون زاڭناماسىن، سونىڭ ىشىندە قۇرىلىس جانە ساۋدا سالالارىنداعى بۇزۋشىلىقتاردى انىقتاۋ ماقساتىندا تەكسەرۋلەر جۇرگىزۋدە.
حابار-وشارسىز كەتكەن ادامداردى، قىلمىسكەرلەردى ىزدەستىرۋ، سونداي-اق بوتەننىڭ مۇلكىن ۇرلاۋ، پاتەر توناۋ، كولىكتى ايداپ اكەتۋ جانە تاعى باسقا اينالىساتىن قىلمىستىق توپتاردى اشكەرەلەۋ بويىنشا پد-نىڭ جەدەل بولىمشەلەرىنىڭ جۇمىسى كۇشەيتىلدى. “قۇقىقتىق ءتارتىپ” جەدەل الدىن الۋ ءىس-شاراسى كريمينوگەندىك جاعدايدى جاقسارتۋعا، سونداي-اق قىلمىستار مەن قۇقىق بۇزۋشىلىقتاردىڭ الدىن الۋعا، جولىن كەسۋگە جانە ەسكەرتۋگە باعىتتالعان اۋقىمدى شارا.