تاجىكستان مەن وزبەكستاننىڭ 18 ازاماتى ەلدەرىنە قايتتى.
قالانىڭ كوشى-قون قىزمەتىنىڭ حابارلاۋىنشا، بۇل ادامدار ەلىمىزدە زاڭسىز جۇرگەن.
پوليسيا قىزمەتكەرلەرى زاڭسىز كوشى-قون ارنالارىن، شەتەلدىكتەردى زاڭسىز جۇمىسقا ورنالاستىرۋ دەرەكتەرىن انىقتاۋ ماقساتىندا“ميگرانت” ءىس-شاراسى وتكىزۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.
تاجىريبە كورسەتكەندەي، زاڭسىز جۇرگەن كەلىمسەكتەر كوبىنەسە قىلمىستىق قول سۇعۋشىلىقتىڭ نىسانىنا اينالادى نەمەسە ولاردى وزدەرى جاسايدى.
"“ميگرانت” جەدەل الدىن الۋ ءىس-شاراسى اياسىندا كوشى-قون زاڭناماسىن بۇزعانى ءۇشىن وزبەكستان مەن تاجىكستاننىڭ 18 ازاماتى اكىمشىلىك جاۋاپكەرشىلىككە تارتىلدى. ولار قالانىڭ اۋدانارالىق مامانداندىرىلعان اكىمشىلىك سوتىنىڭ شەشىمىمەن مەملەكەتىمىزدەن شىعارىلدى. اتالعان ەلدەردىڭ قر-داعى كونسۋلدىق قىزمەتىنىڭ كۇشتەرىمەن ازاماتتار وزبەكستان رەسپۋبليكاسىنىڭ شەكاراسىنا دەيىن رەيستىك اۆتوبۋسپەن جەتكىزىلدى. ولارعا ديپلوماتتارمەن ەلگە ورالۋ تۋرالى كۋالىك بەرىلدى"، – دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.