“جول قوزعالىسى قاۋىپسىزدىگى اپتالىعى” اياسىندا الماتىنىڭ پاترۋلدىك پوليسياسى ەرىكتى قان تاپسىرۋ ناۋقانىنا بەلسەنە قاتىستى.
الماتى پوليسياسى قالالىق قان قورىن تولىقتىردى، دەپ حابارلايدى Almatyp-akshamy.kz Polisia.kz-كە سىلتەمە جاساپ.
«پوليسيا قىزمەتكەرلەرى جول-كولىك وقيعالارىنىڭ كەيدە اۋىر زارداپتارىن جانە ولاردا ادامداردىڭ قانشالىقتى جاراقات الىپ، قازا بولاتىنىن بىلەدى. جازاتايىم وقيعانى تىركەۋمەن قاتار، ولار كوبىنەسە اپاتتان زارداپ شەككەندەرگە العاشقى مەديسينالىق كومەك كورسەتۋگە ءماجبۇر. بۇگىندە قان تاپسىرعان ءاربىر پوليسيا قىزمەتكەرى وسى ساتتە حالىقتىڭ قولداۋىنا مۇقتاج جاننىڭ ومىرىنە تىكەلەي ارالاستى. ءبىز ءۇشىن دونورلىق – ەڭ الدىمەن ازاماتتىق بورىش، سوسىن جاناشىرلىق، تەكتىلىك. ءبىز انتپەن ازاماتتاردىڭ كونستيتۋسيالىق قۇقىقتارى مەن بوستاندىقتارىن قورعاۋدى ۋادە ەتتىك، سوندىقتان بۇگىنگى ىس-ارەكەتتى العا قويىلعان مىندەتتەردى جۇزەگە اسىرۋدىڭ ءبىر ءادىسى دەپ ساناۋعا بولادى. ءبىز تاپسىرعان قان بىرەۋدىڭ ءومىرىن ساقتايدى دەپ ۇمىتتەنەمىز»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى سەرىك شۋمايەۆ.
بۇعان دەيىن حابارلانعانداي، 11-19 قاراشاسى ارالىعىندا رەسپۋبليكا بويىنشا “جول قوزعالىسى قاۋىپسىزدىگى اپتالىعى” جاريالانىپ، سوعان بايلانىستى الماتى قالاسىندا جول قوزعالىسى قاۋىپسىزدىگىن قامتاماسىز ەتۋ ماقساتىندا كەشەندى پروفيلاكتيكالىق جانە ءاقپاراتتىق-تۇسىندىرۋ جۇمىستارى جۇرگىزىلدى.