الماتى پوليسياسى وزبەكستان ازاماتىن ۇرلاپ كەتكەن كۇدىكتىلەردى ۇستادى

ادام ۇرلاۋ تۋرالى اقپاراتتى “102” وپەراتورى تىركەگەن، دەپ حابارلايدى Almaty-akshamy.kz

اقتوبە قالاسىنىڭ تۇرعىنى تەلەفون سوعىپ، ونىڭ 23 جاستاعى اعاسىن الماتىدا ۇرلاپ، BMW كولىگىمەن بەلگىسىز جاققا الىپ كەتكەنىن حابارلادى.

«ايەل ادام وعان اعاسى مەن بەلگىسىز بىرەۋدىڭ حات الماسقان جازباسىن جىبەرگەنىن ايتتى. حاتتا جىگىتتى قورقىتىپ، شىمكەنت قالاسىنا ءوز بەتىمەن ورالۋىن تالاپ ەتكەن. ۇرلانعان ادامنىڭ وزبەكستان ازاماتى ەكەنى جانە شىمكەنتتەگى كىرپىش زاۋىتىندا جۇمىس ىستەگەنى بەلگىلى بولدى. جۇمىستان شىققان كەزدە جۇمىس بەرۋشىلەر ونىڭ ءتولقۇجاتىن قايتارۋدان جانە تولەم جاساۋدان باس تارتتى. سوندىقتان جىگىت وزبەكستان ەلشىلىگىنە حابارلاسۋ ءۇشىن الماتىعا قاشىپ كەتكەن. كەلىپ تۇسكەن دابىلدان سوڭ الماتىنىڭ ۇققكب مەن اۋەزوۆ اۋداندىق پوليسيا باسقارماسىنىڭ قىزمەتكەرلەرى شىمكەنتكە باردى، وندا 31، 29، 31 جاستاعى ءۇش جۇمىس بەرۋشى ۇستالدى. ولارعا ايىپ تاعىلدى. ولاردىڭ باسقا دا ىقتيمال قىلمىستارعا قاتىسى بار-جوعى تەكسەرىلىپ جاتىر»، – دەدى الماتى قالالىق پد باستىعىنىڭ ورىنباسارى ديدار احانوۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.  ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.