جەرگىلىكتى پوليسيا قىزمەتىنىڭ مالىمەتىنشە، الماتىدا جىل باسىنان بەرى موپەدتەردىڭ قاتىسۋىمەن 333 جول-كولىك وقيعاسى تىركەلىپ، سونىڭ سالدارىنان 14 ادام قازا تاۋىپ، تاعى 355 ادام جاراقات العان، دەپ Almaty-akshamy.kz
«موپەدتەردى پايدالانۋمەن بايلانىستى نەگىزگى قاۋىپتەردىڭ ءبىرى – ولاردىڭ جىلدامدىعى مەن قۋاتىنىڭ جوعارىلىعى. موپەدتىڭ ءسيليندرىنىڭ كولەمى 50 تەكشە سانتيمەتردەن اساتىن بولسا جانە ماكسيمالدى جوبالىق جىلدامدىعى ساعاتىنا 50 كيلومەتردەن اسسا، ول جولدا ايتارلىقتاي ءقاۋىپ توندىرەدى. بۇل موپەدتەر جول قوزعالىسىنا قاتىسۋشىلاردىڭ جاراقات الۋىنا، ءتىپتى ادام ولىمىنە اكەلەتىن اۋىر جول-كولىك وقيعالارىن تۋدىرۋى مۇمكىن. قازىرگى ۋاقىتتا جاستار اراسىندا بالامالى كولىك تۇرلەرى تانىمال بولدى. الماتى جولدارىندا ولاردىڭ 50 مىڭنان استامى ءجۇر، سايكەسىنشە، بۇل فاكتور جالپى جول-كولىك وقيعالارىنىڭ دەڭگەيىنە كەرى اسەرىن تيگىزۋدە»، – دەيدى الماتى قالالىق پد ىسكب ارنايى تاپسىرمالار جونىندەگى اعا ينسپەكتورى داۋرەن مىرزاحانوۆ.
مىرزاحانوۆتىڭ ايتۋىنشا، جولداعى قايعىلى وقيعالار توقتار ەمەس. وتكەن اپتادا الماتىدا ادام ولىمىنە اكەلگەن اپات بولدى.
«موپەدتەردىڭ جۇمىسىنا بايلانىستى ماسەلە ءبىر كۇندە شەشىلمەيدى. قالامىزدىڭ جولدارىنداعى قاۋىپسىزدىكتى قامتاماسىز ەتۋ ءۇشىن موپەد يەلەرى مەن جالپى جۇرتشىلىقتىڭ ءبىرتۇتاس كۇشى قاجەت. بۇل جولداعى العاشقى قادام – ءاربىر جول قوزعالىسىنا قاتىسۋشىنىڭ ءوز جاۋاپكەرشىلىگىن سەزىنۋى. مەن ازاماتتاردى جول قوزعالىسى ەرەجەلەرىن قاتاڭ ساقتاۋعا شاقىرامىن»، – دەدى داۋرەن مىرزاحانوۆ.