الماتى پوليسياسى مەكتەپتەردەگى قاۋىپسىزدىك تۋرالى ايتتى، – دەپ حابارلايدى almaty-akshamy.kz Polisia.kz. سىلتەمە جاساپ.
بۇعان دەيىن ق ر ءىىم باستىعى ەرلان تۇرعىمبايەۆ ءبىلىم بەرۋ ۇيىمدارىنداعى وقۋشىلاردىڭ قاۋىپسىزدىگىن قامتاماسىز ەتۋ جونىندەگى جەدەل كەڭەستە ءىىم مەن اۋماقتىق پوليسيا دەپارتامەنتتەرىنىڭ باسشىلارىنا، بارلىق ءبىلىم بەرۋ ۇيىمدارىن بەينەباقىلاۋ جۇيەلەرى، قىزمەتكەرلەر مەن كەلۋشىلەردى ەسكەرتۋ قۇرالدارى، دابىل تۇيمەلەرى، ۇرلىق دابىلدارى مەن فيزيكالىق قاۋىپسىزدىك بويىنشا تەكسەرۋدى تاپسىردى.
– نۇسقاۋ اياسىندا ءبىلىم باسقارماسىمەن بىرگە قالاداعى بارلىق مەكتەپتەردى تەكسەرۋ ءۇشىن دەرەۋ كوميسسيا قۇرىلدى. قازىرگى ۋاقىتتا الماتىدا بارلىق وقۋ ورىندارى 100% بەينەباقىلاۋ جۇيەسىمەن جابدىقتالعان، ول بەس مىڭعا جۋىق كامەرانى قامتيدى، 187 مەكتەپ پد جەدەل باسقارۋ ورتالىعىنىڭ باسقارۋ پۋلتىنە قوسىلعان. سونىمەن قاتار ءبىلىم بەرۋ مەكەمەلەرىنە جۇرگىزىلگەن ساۋالناما قالانىڭ بارلىق مەكتەپتەرىندە دابىل تۇيمەلەرى ورناتىلعانىن جانە جۇمىس ىستەيتىنىن، كۇزەت اگەنتتىگىنە دابىلدىڭ باراتىنىن كورسەتەدى. سونداي-اق ءبىلىم بەرۋ مەكەمەلەرى دابىلمەن جابدىقتالعان، ولاردا داۋىس كۇشەيتكىش بايلانىس جۇيەسى دە بار، ءبىلىم بەرۋ مەكەمەلەرىنىڭ اكىمشىلىك عيماراتتارىنا كىرۋدى باقىلاۋ مەن باسقارۋعا ارنالعان قوندىرعى ورناتىلعان، – دەدى الماتى قالالىق پوليسيا دەپارتامەنتىنىڭ باستىعى قانات تايمەردەنوۆ.