قالا مەكتەپتەرىنە 14 مىڭ 866 بەينەباقىلاۋ كامەرالارى ورناتىلعان.
الماتى پوليسياسى مەكتەپتەگى بالالاردىڭ قاۋىپسىزدىگى تۋرالى ايتتى، – دەپ حابارلايدى aqshamnews.kz Polisia.kz-كە سىلتەمە جاساپ.
جەرگىلىكتى پوليسيا قىزمەتىنىڭ حابارلاۋىنشا، جالپى ءبىلىم بەرەتىن مەكتەپتەردە وقۋشىلاردىڭ قاۋىپسىزدىگىن قامتاماسىز ەتۋمەن 30 جەكە كۇزەت ۇيىمى اينالىسادى، ولاردىڭ قىزمەتىن دەپارتامەنت قاداعالاپ، باقىلايدى.
بالالاردىڭ قاۋىپسىزدىگىن قاداعالاۋ ءۇشىن قالا مەكتەپتەرىنە 14 مىڭ 866 بەينەباقىلاۋ كامەرالارى ورناتىلىپ، پد جەدەل باسقارۋ ورتالىعىنا شىعارىلعان. سونداي-اق بولىمدە جىل باسىنان بەرى كامەلەتكە تولماعاندار اراسىنداعى قىلمىستىڭ 4،2%-عا تومەندەگەنىن اتاپ ءوتتى.
ارنايى كوميسسيالاردىڭ وتىرىستارىندا كامەلەتكە تولماعانداردىڭ مۇددەسى ءۇشىن ءارتۇرلى دەرەكتەر بويىنشا 326 ماتەريال قارالىپ، ونىڭ شەشىمىمەن 40 اتا-اناعا اتا-انا قۇقىعىنان ايىرۋ تۇرىندەگى شارا قولدانىلدى، تاعى 1 مىڭ 337 اتا-انا بالالاردى تاربيەلەۋ جونىندەگى مىندەتتەردى تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى.