الماتى پوليسياسى كولىك دوڭگەلەگىن قولدى ەتكەن كۇدىكتىلەردى ۇستادى

الماتى پوليسەيلەرى كولىك دوڭگەلەگىن ۇرلاپ كەتتى.

كولىكتەردىڭ دوڭگەلەكتەرىن ۇرلاعان ەكى ەر ادام ۇستالدى، دەپ حابارلايدى Almaty-akshamy.kz.

«جەدەل ۋاكىلدەر اۆتوكولىكتەردىڭ دوڭگەلەكتەرىن ۇرلادى دەگەن كۇدىكپەن الماتى وبلىسىنىڭ 34 جانە 40 جاستاعى تۇرعىندارىن ۇستادى. بولجام بويىنشا، ولار قىلمىستى تۇندە جاساعان. ءبىر ەپيزودتا قاسكويلەر قۇرالداردىڭ كومەگىمەن Chevrolet كولىگىنىڭ دوڭگەلەكتەرىن، ودان ءارى قايتا ساتۋ ءۇشىن شەشىپ العان. قازىرگى ۋاقىتتا تەرگەۋ زاڭسىز ارەكەتتىڭ وسىعان ۇقساس 5 ىقتيمال ەپيزودىن انىقتادى. انىقتالعان دەرەكتەر بويىنشا ق ر قك-نىڭ 188-بابىنا سايكەس قىلمىستىق ءىس تىركەلدى. ايعاقتى زاتتار تاركىلەنىپ، قىلمىستىق ءىس ماتەريالدارىنا تىركەلدى. كۇدىكتىلەرگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى»، – دەدى اۋەزوۆ اۋداندىق پب-عا قاراستى پوليسيا ءبولىمىنىڭ باستىعى ەدىلحان بايعارايەۆ.

ايتپاقشى، بۇرىن ەكى كۇدىكتى دە قاراقشىلىق توناۋ جاساعانى ءۇشىن سوتتى بولعان. قازىرگى ۋاقىتتا تەرگەۋ ولاردىڭ بۇرىن قالانىڭ باسقا اۋداندارىندا جاسالعان وسىعان ۇقساس قىلمىستارعا قاتىسى بار-جوعىن انىقتاپ جاتىر. ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.