الماتىدا جارتى اي ىشىندە تۇنگى ۋاقىتتا 38 رەت ىشىمدىك ساتىلعان.
مۇنداي مالىمەتتەردى جەرگىلىكتى پوليسيا قىزمەتى ءىس-شارانىڭ ارالىق قورىتىندىسىن شىعارا وتىرىپ كەلتىرەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ارنايى ءموبيلدى توپتار ساۋدا ورىندارىن تەكسەرىپ، الكوگول ونىمدەرىن ساتۋعا قاتىستى زاڭناما تالاپتارىن بارلىعى بىردەي ورىندامايتىندىعىنا كوز جەتكىزدى. اسىرەسە، مۇنداي بۇزۋشىلىقتار تۇندە ىشىمدىك ساتاتىن، ءتىپتى كەيدە 21 جاسقا تولماعان ادامدارعا دا ساتاتىن شاعىن ازىق-تۇلىك دۇكەندەرىنىڭ ساتۋشىلارى اراسىندا ءجيى كەزدەسەدى. ماسەلەن، جىل باسىنان بەرى قالاداعى يۋۆەنالدى پوليسيا قىزمەتكەرلەرى وسىعان ۇقساس 68 قۇقىق بۇزۋشىلىقتى انىقتاعان. ولارعا ايىپپۇل سالىندى. سونىمەن قاتار، ناتيجەسىندە 36 دۇكەننىڭ قىزمەتى ءبىر اي مەرزىمگە توقتاتىلدى، تاعى ەكى ساۋدا ورنى بىرنەشە رەت زاڭبۇزۋشىلىق جاساعانى ءۇشىن الكوگولدىك ونىمدەردى ساتۋ ليسەنزياسىنان ايىرىلدى»، – دەدى الماتى قالاسى پد جەرگىلىكتى پوليسيا قىزمەتى باسقارماسىنىڭ باسشىسى ەرجان ۇزابايەۆ.
بايانداماشى مۇنداي زاڭ بۇزۋشىلىقتارعا بىرنەشە رەت جول بەرگەن كاسىپكەرلەردى ايتتى.
– “وجەت” شاعىناۋدانىنداعى “بەرەكە” دۇكەنى. “جك دجۋماگالييەۆا” سوت شەشىمىمەن الكوگول ءونىمىن ساتۋ ليسەنزياسىنان ايىرىلدى، سونداي-اق، 163 352 تەڭگە سوماسىندا 80 اەك كولەمىندە اكىمشىلىك ايىپپۇل سالىندى.
– “جۇلدىز” شاعىناۋدانىنداعى دونەنتايەۆ كوشەسىنىڭ بويىنداعى “باستاۋ” دۇكەنى. “جك باباتايەۆ” سوت شەشىمىمەن الكوگول ءونىمىن ساتۋ ليسەنزياسىنان ايىرىلدى جانە ايىپپۇل سالىندى.