ءتارتىپ ساقشىلارى ازاماتتارعا ينتەرنەت-الاياقتاردان ساقتانۋ جولدارىن ايتتى.
بۇگىنگى تاڭدا عالامتور جەلىسىنىڭ قارقىندى دامۋىنا وراي، سونىمەن قاتار ەلەكتروندىق جانە كريپتوۆاليۋتالىق تولەم جۇرگىزۋدىڭ مۇمكىندىكتەرىنىڭ تۋىنداۋى ينتەرنەت الاياقتىقتىڭ ءتۇرلى ادىستەرى مەن تاسىلدەرىنە، اقپاراتتىق كوممۋنيكاسيالىق جۇيە ارقىلى ۇرلىق جاساۋ سياقتى الاياقتىق قىلمىستار جيىلەپ كەتكەن.
– وسى ورايدا ازاماتتادى ينتەرنەت قىزمەت تۇرلەرىن پايدالانۋدا مۇقيات بولۋعا شاقىرامىز. كۇمان تۋدىراتىن سىلتەمەلەردى اشپاۋعا، جەكە مالىمەتتەر (جسن، IBAN، CCV) بەرىلمەۋى كەرەك. ەگەر ءسىزدىڭ تولەم كارتاڭىزعا بەلگىسىز تۇلعالاردان اقشا تۇسسە جانە باسقا شوتقا اۋدارۋدى وتىنسە دەرەۋ ءوزىڭىزدىڭ بانك Call ورتالىعىنا نەمەسە قۇقىق قورعاۋ ورگاندارىنا حابارلاڭىز. ەگەر ءسىز بەلگىسىز تۇلعانىڭ سۇراۋىن ورىنداساڭىز الاياقتاردىڭ قۇربانى بولىپ قالۋىڭىز مۇمكىن، – دەپ مالىمدەدى الماتى قالاسى پوليسيا دەپارتامەنتىنىڭ كريمينالدىق پوليسيا باسقارماسىنىڭ كيبەرقىلمىستارعا قارسى كۇرەس ءبولىمىنىڭ باستىعى يگور پۋدوۆكين.
پوليسيا قىزمەتكەرلەرىنىڭ كەڭەسى:
1. ەشقاشان ەشكىمگە ءوزىڭىزدىڭ بانك كارتوچكاڭىزدىڭ مالىمەتتەرىن، جەكە باسىڭىزدىڭ مالىمەتتەرىن (جەكە كۋالىك، سۋرەت، تولەم كارتاڭىزدىڭ سۋرەتىن، 3 ساندىق CCV كودىن) جولداماڭىز.
2. ينتەرنەت ارقىلى ساتىپ الىناتىن تاۋارلار ءۇشىن الدىن الا تولەم جىبەرمەڭىز.
3. ەگەر ءسىز جىلجىمايتىن مۇلىك، كولىك نەمەسە تاۋار ساتساڭىز تولەمدەردى قولما-قول العان دۇرىس.
4. ەگەر تاۋاردىڭ، كولىكتىڭ نەمەسە جالعا بەرۋ بويىنشا حابارلاندىرۋدا الدىن الا تولەم جاساۋ كەرەك ەكەنى جازىلسا جانە بايلانىس تەك WhatsApp جەلىسى ارقىلى بولسا، ەلەكتروندىق تولەم جۇرگىزۋدىڭ ەش قاجەتى جوق.
5. ءتۇرلى مەسسەندجەرلەر ارقىلى سىزگە سىلتەمەلەر كەلسە، ول الاياقتاردىڭ تۇزاعى بولۋ ابدەن مۇمكىن.
6. ءتۇرلى سايتتا بانك كارتوچكاڭىزدىڭ مالىمەتتەرىن جاريالاماڭىز. بۇل ءسىزدىڭ جەكە ماعلۇماتتارىڭىزدى الۋعا ارنالعان ارنايى فيشينگ سايتى بولۋى ىقتيمال.
7. عالامتور جەلىسى ارقىلى ۇيىمداستىرىلاتىن ۇتىس ويىنىنا قاتىسپاۋىڭىز كەرەك.
8. ۇلكەن پايدا اكەلەتىن ءتۇرلى جوبالارعا اقشا سالماڭىز. سىزگە باسقا شەتەل ابونەنتتىك ءنومىرى ارقىلى حابارلاسىپ، بيرجاعا، كريپتوۆاليۋتاعا اقشا سالۋىڭىزدى سۇراۋى مۇمكىن.
9. ەگەر سىزگە بانك قاۋىپسىزدىك قىزمەتىنەن حابارلاسسا، بانك قىزمەتكەرلەرى ءسىزدىڭ كارتاڭىزدىڭ مالىمەتتەرىن نەمەسە قۇپيا ءسوز جانە كود، سونىمەن قاتار، الاياقتار ءتۇرلى تەلەفون ابونەنتتىك ءنومىرىن اۋىستىرىپ كورسەتەتىن دومەن ارقىلى حابارلاسۋلارى مۇمكىن. مۇنداي جاعدايدا تەلەفون تۇتقاسىن قويا سالىڭىز.