بۋران-222 پاترۋلدىك ەكيپاجىنىڭ قىزمەتكەرلەرى جول ەرەجەسىن بۇزعان Hyundai كولىگىن بايقاعان.
وقيعا تاڭعى ساعات ۇشتەردە اباي جانە دوستىق داڭعىلدارىنىڭ قيىلىسىندا بولعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جۇرگىزۋشى مانيەۆر جاساۋ ەرەجەسىن بۇزعان، ونىڭ كولىگىنىڭ الدىڭعى مەملەكەتتىك تىركەۋ ءنومىرى كورىنبەيتىندەي ەتىپ ادەيى جابىلعان. ءمان-جايدى انىقتاۋ بارىسىندا جۇرگىزۋشىنىڭ ىس-ارەكەتى كۇدىك تۋعىزدى. ونى ەسىرتكىگە قارسى ساراپتاماعا الىپ باردى. مەديسينالىق ساراپتاما ونىڭ ەسىرتكىگە ماس بولعانىن انىقتادى. ەر ادامنىڭ ءوزى سينتەتيكالىق مەفەدرون ەسىرتكىسىن قولدانعانىن مويىندادى. سونىمەن قاتار تالداۋ جۇرگىزىلگەن جەرگە مەدەۋ اۋداندىق پب-نىڭ تەرگەۋ-جەدەل توبى شاقىرىلدى. اتالعان كولىكتىڭ سالونىنان ۇنتاق زاتى بار بۋمالار تابىلدى جانە تاركىلەندى. ولاردىڭ ناقتى تيەسىلىلىگىن سوت-حيميالىق ساراپتاما انىقتايتىن بولادى»، – دەدى الماتى قالاسى پد جپقب پاترۋلدىك پوليسيا پولكىنىڭ ينسپەكتورى نۇرلان قونۋسوۆ.
قۇقىقبۇزۋشى كولىك جۇرگىزۋ قۇقىعىنان ايىرىلدى. ونىڭ كولىگى مامانداندىرىلعان ايىپپۇل تۇراعىنا جەتكىزىلدى.