الماتى پوليسياسى ەسىرتكى قىلمىسكەرلەرىن اشكەرەلەدى

قالالىق پد ەسىرتكى قىلمىسىنا قارسى كۇرەس بولىمشەسىنىڭ مالىمەتىنشە، ەسىرتكى قىلمىسىن جاسادى دەگەن كۇدىكپەن ىشكى ىستەر ورگاندارىمەن ىزدەۋدە جۇرگەن ازاماتتارعا قاتىستى سۋرەتتەر جاريالاندى، دەپ حابارلايدى Almaty-akshamy.kz Polisia.kz

«ەستەرىڭىزدە بولسا، ازاماتتاردى ب ا ق پەن الەۋمەتتىك جەلىلەر ارقىلى قىلمىسكەرلەردى ىزدەۋگە تارتۋ تاجىريبەسى العاش رەت بىرنەشە جىل بۇرىن پايدا بولعان. ۇزاق ۋاقىت بويى قالتا ۇرىلارىنىڭ سۋرەتى جاڭارتىلىپ كەلدى. جەدەل ۋاكىلدەر قوعامدىق ورىندارعا “ۇرى ۇيىقتامايدى” ايدارىمەن قالتا ۇرىلارى بەينەلەنگەن اقپاراتتىق پلاكاتتاردى جاپسىرعان. ايتپاقشى، بۇل قوعامدىق شارا وڭ اسەرىن تيگىزدى: كەيبىر جەڭىل اقشاعا قۇمارلار تۋىستارى مەن دوستارىنىڭ الدىندا ۇيالعاندىقتان عانا ۇرلاۋدى قويدى. بۇگىندە ءبىر ەمەس، بىرنەشە ادامنىڭ ءومىرىن قيعان ەسىرتكى قىلمىسكەرلەرى وسىنداي مەحانيزممەن جاريا ەتىلدى. ازاماتتاردىڭ بەي-جاي قالماۋى جانە ىزدەۋدە جۇرگەن ادامداردىڭ جۇرگەن جەرى تۋرالى مالىمەتتەردى بىلگەن جاعدايدا بۇل تۋرالى پوليسياعا حابارلاۋى وتە ماڭىزدى. قىلمىسكەرلەردى قولعا ءتۇسىرۋ – ۋاقىت ەنشىسىندە»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.