المالى اۋداندىق پوليسيا باسقارماسىنىڭ مالىمەتىنشە، 29 جاستاعى جەرگىلىكتى تۇرعىنعا قاتىستى، بىرنەشە رەت جاسالعان الاياقتىق بويىنشا قىلمىستىق ءىس تەرگەلىپ جاتىر.
ەر ادام كەم دەگەندە بەس ادامدى الدادى دەگەن كۇدىككە ءىلىندى، دەپ حابارلايدى aqshamnews.kz.
– زاڭسىز ارەكەتتەر باسپاناعا مۇقتاج بىرنەشە ازاماتتىڭ ءىرى كولەمدەگى اقشاسىن جوعالتقان كەزدە بەلگىلى بولدى. ولار ءوزىن قايىرىمدىلىق ۇيىمدارىنىڭ ءبىرىنىڭ قىزمەتكەرىمىن دەپ تانىستىرعان بەيتانىس ادامعا 7 ميلليون تەڭگە بەرگەن. قاسكوي ولارعا قايىرىمدىلىقتان جانە قوردان باسپانا بەرۋگە ۋادە بەردى. الايدا باسپانا دا جوق، اقشا دا جوق الداپ كەتكەن. جەدەل ءىس-شارالار جۇرگىزىلىپ، كۇدىكتى ۇستالدى، — دەدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.
كۇدىكتى ۋاقىتشا ۇستاۋ يزولياتورىنا ورنالاستىرىلدى. پوليسيا كۇدىكتىنىڭ زاڭسىز ارەكەتىنەن زارداپ شەككەندەردى مىنا تەلەفون نومىرلەرىنە حابارلاسۋعا شاقىرادى: 8-702-646-43-46 جانە 8-702-066-50-73.