قىلمىستى اشۋ ءۇشىن ارنايى جەدەل-تەرگەۋ توبى قۇرىلدى
28 گۆاردياشى-پانفيلوۆشىلار اتىنداعى ساياباقتا باتىرلار اللەياسىنىڭ تۇعىرىنان 2 ءارىپ پەن 13 ماڭدايشانىڭ ۇرلانعانى تۋرالى ارىز پوليسياعا ىڭ 4 ناۋرىزدا تۇسكەن، دەپ حابارلايدى Almaty-akshamy.kz.
قىلمىستىق ءىس ق ر قك-نىڭ 188 بابى 3 بولىگى، سونداي-اق قك-نىى 294 - بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى.
«بۇل قىلمىستى اشۋ ءۇشىن ارنايى جەدەل-تەرگەۋ توبى قۇرىلدى، ونىڭ قۇرامىنا قالانىڭ كريمينالدىق پوليسياسىنىڭ قىزمەتكەرلەرى دە كىردى. ۇرىلار بىردەن انىقتالدى. سونداي-اق، قىسقا مەرزىمدە ولار ايداعان كولىكتى انىقتاۋ مۇمكىن بولدى. كۇدىكتىلەر - ۇشەۋ، ولار 1996 جانە 1997 جىلى تۋعاندار. ولار - الماتى وبلىسى، ەڭبەكشىقازاق اۋدانىنا قاراستى اۋىلداردىڭ ءبىرىنىڭ تۇرعىندارى. قىلمىسكەرلەر ۇستالىپ، قاماۋعا الىندى. ولار شويىن ماڭدايشالار مەن ارىپتەردى قابىلداۋ پۋنكتىنە وتكىزۋ ءۇشىن ۇرلاپ كەتكەندەرىن مويىندادى. ءبىز ۇرلانعان مۇلىكتىڭ ساتىلۋ باعىتىن جەدەل انىقتاپ، ۇرلانعان زاتتاردى ساتىپ الۋعا قاتىسى بار تاعى ءۇش ايىپتالۋشىنى انىقتادىق. ولار دا سول اۋىلدىڭ تۇرعىندارى. سوڭعى ورىن – الماتى قالاسى تۇركسىب اۋدانىنداعى بەكماحانوۆ كوشەسى بويىنداعى مەتالل قابىلداۋ پۋنكتى. باتىرلار اللەياسىنان الىنعان ارىپتەر مەن ماڭدايشالاردى ەرىتۋگە دايىنداعان»، - دەدى، مەدەۋ اۋداندىق پوليسيا باسقارماسىنىڭ باستىعى، پوليسيا پودپولكوۆنيگى داۋرەن وتەبايەۆ.
زاتتاي ايعاقتار تاركىلەندى. ولاردىڭ جالپى سالماعى 44،5 كەلى بولدى. ساتىپ الۋشىلارعا قاتىستى ق ر قك-نىڭ 196 بابى 1 بولىگى، ياعني قىلمىستىق جولمەن الىنعان مۇلىكتى يەمدەنۋ دەرەگى بويىنشا قىلمىستىق ءىس قوزعالدى. ولار دا ۋاقىتشا ۇستاۋ يزولياتورىنا قامالدى.
