الماتى پوليسياسى بالالار ءۇيىنىڭ تاربيەلەنۋشىلەرىن كەلە جاتقان جاڭا جىل مەرەكەسىمەن قۇتتىقتادى.
“جانۇيا” بالالار ءۇيى پوليسيا قىزمەتكەرلەرىنە ەسىگىن ايقارا اشتى. الماتى قالالىق پوليسيا دەپارتامەنتىنىڭ ءانسامبلى مەن جقاج ۇجىمى بالالار ءۇشىن ءان، بي جانە سىيلىقتارمەن ناعىز جاڭاجىلدىق كوڭىل كۇي سىيلادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بالالار ۇيىمداستىرىلعان ويىندار مەن جارىستارعا ەرەكشە ىقىلاسپەن قاتىستى. تاربيەلەنۋشىلەردىڭ قۋانىشىندا شەك بولمادى. بالالار ءۇيىنىڭ باسشىلىعى ءوز كەزەگىندە پوليسيا قىزمەتكەرلەرىنە ءىلتيپاتتارى، مەيىرىمدى جۇرەكتەرى مەن قامقورلىقتارى ءۇشىن شىنايى العىسىن ءبىلدىردى. ءتارتىپ ساقشىلارى مۇنداي ناۋقاندى بىرنەشە جىلدان بەرى جاساپ كەلەدى.