سالتاناتتى جاعدايدا، بارشا جەكە قۇرام الدىندا ەرجۇرەك، قايسار ازامات ماراپاتتالدى
الماتى پوليسياسى قوعامدىق كولىكتە ايەلگە شابۋىل جاساعان ادامدى ۇستاۋعا كومەك كورسەتكەن جاس جىگىتتى ماراپاتتادى، دەپ حابارلايدى Almaty-akshamy.kz.
24 جاستاعى قالا تۇرعىنى رايىمبەك مەدەتبەك ءبىر ساتكە ويلانباستان اۆتوبۋستا قولىندا پىشاعى بار شابۋىلداۋشىعا جۇگىرگەنىن ەسكە الادى.
«مەن قوعامدىق كولىككە وتىردىم. بىر-ەكى ايالدامادان وتكەن سوڭ ەركەك پەن ايەل وتىردى، كەيىن ولار بىردەڭەنى تالقىلاپ، ۇرىسا باستادى. سوسىن ايقايدى ەستىدىم. باسىمدى كوتەرىپ قاراسام، ول قىزدى ۇرىپ تاستاعان، سوسىن قايتا-قايتا ۇردى. مەن ارەكەت ەتتىم، ەر ادامنىڭ قولى مەن باسىنان ۇستاپ الدىم. قىز قاشىپ ۇلگەردى، اۆتوبۋستىڭ الدىنا قاراي جۇگىرىپ شىقتى»، – دەپ ەسىنە ءتۇسىردى رايىمبەك.
مەندە قولايلى جاعداي بولدى: مەن ارتقى جاعىندا تۇردىم. قورقىنىشتى سەزىنۋگە ۋاقىتىم بولمادى، دەرەۋ ارەكەت ەتۋىم كەرەك بولدى، – دەدى ول.
بۇگىن، 8 تامىز الماتى قالاسى الاتاۋ اۋداندىق پب-نىڭ شەرۋى الاڭىندا سالتاناتتى جاعدايدا، بارشا جەكە قۇرام الدىندا ەرجۇرەك، قايسار ازامات ماراپاتتالدى. رايىمبەك مەدەتبەك الماتى قالالىق پوليسيا دەپارتامەنتى جەرگىلىكتى پوليسيا قىزمەتى باسقارماسى باستىعىنىڭ مىندەتىن اتقارۋشى دياس دۋانبەكوۆتىڭ قولىنان “قازاقستان پوليسياسىنا 30 جىل” مەدالىمەن جانە ەستەلىك سىيلىقپەن ماراپاتتالدى.
«الماتى قالالىق ىشكى ىستەر دەپارتامەنتى باسشىلىعى مەن بارلىق جەكە قۇرامى اتىنان كۇدىكتىنى ۇستاۋعا كومەكتەسكەنىڭىز ءۇشىن سىزگە زور العىسىمدى بىلدىرەمىن. قۇقىق قورعاۋ ورگاندارىنا كومەكتەسىپ، كورسەتىلگەن بەلسەندى ازاماتتىق ۇستانىمىڭىز، قىراعىلىعىڭىز بەن زەيىندىلىگىڭىز ءۇشىن ماراپاتتالدىڭىز. قوعام سىزدەن ۇلگى الىپ، قىلمىسقا قارسى شىعىپ، كەز كەلگەن قوعامعا جات كورىنىستەرگە توزبەيتىندىگىنە جانە قىلمىسپەن ىمىراسىز كۇرەستە شەت قالمايتىنىنا سەنىمدىمىن. تابىس، زور دەنساۋلىق، باقىت تىلەيمىز»، – دەدى دياس دۋانبەكوۆ.