الماتى پوليسياسى الاياقتاردىڭ جالعان تەلەفون نومىرلەرىن پايدالاناتىنىن ەسكەرتەدى

الاياقتار جالعان تەلەفون نومىرلەرىن پايدالانادى.

قالانىڭ كريمينالدىق پوليسياسى ەسكەرتكەندەي، ارنايى تەحنيكا ينتەرنەت-ترافيكتى پايدالانا وتىرىپ، باسقا ەلدەردەن كەلگەن قاسكويلەر ۆيرتۋالدى نومىرلەرگە يە بولاتىن بەلگىلى ءبىر سايتقا قوسىلادى، دەپ حابارلايدى Almaty-akshamy.kz Polisia.kz-كە سىلتەمە جاساپ.

«ولار ءارتۇرلى ۆەب-سايتتاردا، الەۋمەتتىك جەلىلەردە جانە قىزمەت كورسەتۋ پلاتفورمالارىندا تىركەلۋ ءۇشىن جەكە دەرەكتەرى مەن ابونەنتتىك نومىرلەرىن جاسىرۋ ماقساتىندا فيزيكالىق تۇردە SIM-box ۇياشىقتارىندا بولادى. الاياقتار ۆيرتۋالدى SIM-box نومىرلەرىن پايدالانىپ، اڭعال ازاماتتاردى الدايدى: ولار جەكە كابينەتتى تىركەي وتىرىپ، كەز كەلگەن ءونىمدى ساتۋ تۋرالى ءارتۇرلى جارنامالاردى جاريالايدى، سودان كەيىن ساتىپ الۋشى قىزىعۋشىلىق تانىتسا، شەتەلدىك بانك كارتالارىن ۇسىنا وتىرىپ، الدىن الا تولەم جىبەرۋىن سۇرايدى. الايدا اقشانى العان بويدا، ولار جاسىرىنىپ، جارنامانى وشىرەدى»، – دەيدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.

ەكىنشى ءادىس – TikTok الەۋمەتتىك جەلىسىن پايدالانۋ ارقىلى بولىپ تۇر. مۇندا اڭعال ازاماتتارعا Whatsapp مەسسەندجەرىندە قۇرىلعان (SVIP، VIP) توپتارىنا قوسىلۋ ۇسىنىلادى.تىركەۋ كەزىندە SIM-box ۆيرتۋالدى نومىرلەرىن پايدالانا وتىرىپ، ولار بەلگىلى ءبىر سوماعا تاۋار ساتىپ الۋدى ۇسىنادى، سودان كەيىن بۇل سوما بانك كارتاسىنا ەكى ەسەلەنگەن مولشەردە قايتارىلادى دەپ سەندىرەدى. وسىعان بايلانىستى الماتى قالاسى پوليسيا دەپارتامەنتى ينتەرنەت-الاياقتىق دەرەكتەرىنىڭ كوبەيىپ بارا جاتقانىن ەسكەرتىپ، ازاماتتاردى ونلاين قىزمەتتەردى الۋدا، ينتەرنەت ارقىلى تاۋار ساتىپ الۋدا ساق بولۋعا شاقىرادى.