102 – كوپ ارنالى بايلانىس قوسىمشاسى.
الماتى پوليسياسى 102 ءموبيلدى قوسىمشاسىن پايدالانۋعا شاقىردى، دەپ حابارلايدى Almaty-akshamy.kz Polisia.kz-سىلتەمە جاساپ.
102 – كوپ ارنالى بايلانىس قوسىمشاسى فوتو- جانە بەينەقوسىمشالارى بار ماتىندىك حابارلاما، اۋديو- جانە بەينەقوڭىراۋلار ارقىلى كەز كەلگەن ىڭعايلى فورماتتا پوليسياعا حابارلاسۋعا مۇمكىندىك بەرەدى.
گەولوكاسيا پايدالانۋشىنىڭ ورنالاسقان جەرىن انىقتاۋعا، قوڭىراۋدى قابىلداۋعا، ءتىپتى، ەگەر ادامنىڭ ءوزى مەكەنجايدى ايتا الماي تۇرسا دا، وعان كومەك كورسەتۋگە مۇمكىندىك بەرەدى. SOS باتىرماسى دابىلدىڭ گەولوكاسياسىنا سايكەس، ءپاترۋلدىڭ دەرەۋ شىعۋىن بولجايدى. قوسىمشا جۇمىسىنىڭ اشىق بولۋى دا ماڭىزدى: ارىزدانۋشىعا ونىڭ ارىزى بويىنشا قابىلدانعان شارالار تۋرالى حابارلانادى.
ەندى وقيعانىڭ فوتولارى مەن بەينەلەرىن تىكەلەي پوليسياعا جىبەرۋگە بولادى. قوسىمشانى پايدالانا وتىرىپ، ازاماتتار جول قوزعالىسى ەرەجەلەرىن بۇزۋ، جول-كولىك وقيعالارى، وتباسىلىق جانجالدار، جانۋارلارعا قاتىگەزدىك كورسەتۋ جاعدايلارىن جانە تاعى باسقا دا ارىزدارىن جىبەرە الادى.
ايتا كەتەيىك، الماتى قالالىق پد جبو-عا جىل باسىنان بەرى ومنيكالدى بايلانىس ارقىلى 3600-دەن استام قوڭىراۋ، 74 اۋديو- جانە 66 بەينەحابارلاما كەلىپ تۇسكەن.