الماتى قالالىق پوليسيا دەپارتامەنتىنىڭ قىزمەتتەرى مەن بولىمشەلەرىنىڭ قىزمەتكەرلەرى اراسىندا اسكەري قارۋدان وق اتۋدان جارىس ۇيىمداستىرىلدى.
14 كوماندادان 41 قىزمەتكەر قاتىستى. جارىس باعدارلاماسىنا پم-9 مم تاپانشاسىنان جاتتىعۋدىڭ ءتورت ءتۇرى ەنگىزىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جارىستىڭ بەكىتىلگەن ەرەجەسىنە سايكەس، كوماندا ءۇش قىزمەتكەردەن تۇرادى – ءبىر ايەل، ەكى ەر ادام. جەكە ەسەپتە ءادىل قازىلار القاسىنىڭ حاتتاماسىنا سايكەس، ايەلدەر اراسىندا: I ورىندى جقاج ينسپەكتورى ەلميرا يماشيەۆا (پم-2 جاتتىعۋى)، II ورىندى المالى اۋداندىق پب-نىڭ اعا ينسپەكتورى مەرۋەرت بەكاسىل (پم-2 جاتتىعۋى)، III ورىندى بوستاندىق اۋداندىق پب كپب جەدەل ۋاكىلى جۇلدىز تويكوۆا (پم-2 جاتتىعۋى) مەن پپ پولكىنىڭ ينسپەكتورى اسەل ءاشىموۆا (پم-5 جاتتىعۋى) يەلەندى.
ەرلەر اراسىندا: I ورىندى ولجاس سۇلەيمەنوۆ (پم-3 جاتتىعۋى)، II ورىندى ەلدوس ناسىپبايەۆ (پم-3 جاتتىعۋى)، III ورىندى جقاج اعا ينسپەكتورى ەلمۇرات تۇرلىقوجا (پم-2 جاتتىعۋى) مەن دانيار تۇرلىقوجا (پم-4 جاتتىعۋى) ەنشىلەدى. كوماندالىق ەسەپتە ورىندار كەلەسىدەي ءبولىندى: I ورىن – بوستاندىق اۋداندىق پب-نىڭ قۇراما كومانداسى، II ورىن – الاتاۋ اۋداندىق پب-نىڭ قۇراما كومانداسى، III ورىن – ناۋرىزباي اۋداندىق پب-نىڭ قۇراما كومانداسى.
جەڭىمپازدار مەن جۇلدەگەرلەر كۋبوكتارمەن، مەدالدارمەن، ماقتاۋ قاعازدارىمەن جانە باعالى سىيلىقتارمەن ماراپاتتالدى.