ولارمەن بىرگە كوپ بالالى پوليسەيلەردىڭ دە بالالارى باردى.
الماتى قالاسى پد قازا تاپقان جانە كوپ بالالى پوليسيا قىزمەتكەرلەرىنىڭ بالالارىن سيرككە اپاردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جاڭاجىلدىق قويىلىم ءداستۇرلى تۇردە اسەرلى فورماتتا ءوتتى. بارىنەن بۇرىن مەرەكەگە بالالار قاتتى قۋاندى.
«الماتى پوليسياسىنىڭ باسشىلىعى مەن جەكە قۇرامى قىزمەتتىك مىندەتتەرىن ورىنداۋ كەزىندە قازا تاپقان پوليسيا قىزمەتكەرلەرىنىڭ وتباسىلارىنا تۇراقتى نەگىزدە قولداۋ كورسەتەدى. مۇمكىندىگىنشە بالالارعا عاجايىپتى، ەرتەگىنى سەزىندىرۋگە تىرىسامىز. ويتكەنى اكە قامقورلىعىنسىز، قولداۋىنسىز ولارعا وڭاي ەمەس. بۇگىنگى تاڭدا مۇگەدەكتەرگە جانە قايتىس بولعان ءتارتىپ ساقشىلارىنىڭ وتباسىلارىنا كومەك كورسەتۋ ورتالىعىنىڭ قامقورلىعىندا 46 وتباسى بار، ولاردا 63 بالا تاربيەلەنىپ جاتىر. سونداي-اق ءقازىر ىشكى ىستەر ورگاندارىندا قىزمەت اتقارىپ جۇرگەن قىزمەتكەرلەردىڭ 48 ەرەكشە بالاسىنا كومەك كورسەتىپ جاتىرمىز»، – دەيدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.
سونىمەن قاتار جاڭاجىلدىق شوۋعا الماتى پوليسياسىنىڭ كوپ بالالى وتباسىلارىنىڭ بالالارى قاتىستى. اياز اتا مەن اقشاقاردىڭ قويىلىمىن تاماشالاعان كىشكەنتاي كورەرمەندەر ءتاتتى سىيلىقتارعا يە بولدى.
