الماتى پوليسياسى قوعامدا “قۇقىق بۇزۋشىلىققا مۇلدەم توزبەۋشىلىكتى” قالىپتاستىرۋعا ەرەكشە كوڭىل بولەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«مۇلدەم توزبەۋشىلىك – ۇساق ءتارتىپ بۇزۋشىلىق، تىنىشتىقتى بۇزۋ جانە باسقا دا ۇساق قۇقىقبۇزۋشىلىقتارعا تەرىس رەاكسيا. ءاربىر ادام ازاماتتاردىڭ قۇقىعىن قۇرمەتتەپ، قوعامدىق تىنىشتىقتى بۇزباي، مادەنيەتىن تانىتۋى كەرەك. بۇگىنگى كۇنى كوشەدەگى قىلمىستاردىڭ الدىن الۋدىڭ نەگىزگى تۇتقاسى – اكىمشىلىك قۇقىقبۇزۋشىلىقتاردىڭ دەر كەزىندە جولىن كەسۋ، سونداي-اق ولاردىڭ جاسالۋىنا مۇلدەم توزبەۋشىلىك تانىتۋ. بۇل سالاعا ەرەكشە ءمان بەرىلۋدە، ويتكەنى قوقىس شىعارۋ، جول قوزعالىسى ەرەجەلەرىن بۇزۋ جانە باسقا دا زاڭسىز كورىنىستەر بولسىن، ۇساق قۇقىقبۇزۋشىلىقتار ءۇشىن جازالانباۋ ازاماتتاردىڭ بولاشاقتا اسا اۋىر ارەكەتتەر نەمەسە قىلمىستار جاساۋىنىڭ العىشارتتارىنا اكەلەدى»، – دەدى، الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.
سونداي-اق ۇساق قۇقىقبۇزۋشىلىقتاردىڭ جولىن كەسۋدە قالاداعى زاڭدىلىق پەن قۇقىقتىق ءتارتىپتىڭ جاي-كۇيىنە بەيجاي قارامايتىن ازاماتتىق قوعامداستىققا ەرەكشە ءرول جۇكتەلگەنىن ايتا كەتكەن ءجون
«بەلسەندىلەر، ادەتتە، بۇقارالىق اقپارات قۇرالدارى مەن الەۋمەتتىك جەلىلەر ارقىلى وزدەرىنە بەلگىلى دەرەكتەردى حابارلايدى. وسىعان بايلانىستى ءبىز جوعارىدا اتالعان رەسۋرستارعا كەڭىنەن مونيتورينگ جۇرگىزەمىز. تەك سوڭعى تاۋلىك ىشىندە ءبىزدىڭ بولىمشەنىڭ قىزمەتتەرى قۇقىقبۇزۋشىلىققا شىدامسىزدىق قاعيداتىن ىسكە اسىرۋ اياسىندا 979 مىڭنان استام قۇقىق بۇزۋشىنى اكىمشىلىك جاۋاپكەرشىلىككە تارتتى. اكىمشىلىك ايىپپۇل سوماسى 5 ملن تەڭگەدەن استام سومانى قۇرادى. ايتپاقشى، ولاردىڭ اراسىندا، جالپى اۋماقتاردى لاستايتىندار دا بار. قالانى اباتتاندىرۋ بويىنشا قولدانىستاعى ەرەجەلەر مەن اكىمشىلىك زاڭناما نورمالارىنا قاراماستان، قالامىزدىڭ كەيبىر تۇرعىندارى مەن قوناقتارى كوشەگە قوقىس تاستاۋدى، تۇرمىستىق قالدىقتاردى شىعارۋدى جالعاستىرىپ كەلەدى»، – دەدى ەرجان ۇزابايەۆ.