كاسىپكەرلەر ءوز اۋماعىندا قار جيناپ، ساقتاعانى ءۇشىن اكىمشىلىك جاۋاپقا تارتىلعان.
الماتى پوليسەيلەرى كاسىپكەرلىك سۋبەكتىلەرىن زاڭسىز جاۋاپقا تارتقانى انىقتالدى، دەپ حابارلايدى Almaty-akshamy.kz.
الماتى قالالىق پروكۋراتۋراسىنىڭ ءموبيلدى توبى المالى اۋدانىنىڭ جەرگىلىكتى پوليسيا قىزمەتكەرلەرىنىڭ بيزنەس سۋبەكتىلەرىن زاڭسىز اكىمشىلىك جاۋاپقا تارتۋ فاكتىلەرىن انىقتادى.
پروكۋراتۋرانىڭ مالىمەتىنە سايكەس، ءبىرقاتار كاسىپكەرلەر ق ر اقبك-نىڭ 505-بابى بويىنشا ءوز اۋماعىندا قار جيناپ، ساقتاعانى ءۇشىن اكىمشىلىك جاۋاپقا تارتىلعان.
دەگەنمەن، الماتى قالاسىنىڭ اۋماعىن اباتتاندىرۋ ەرەجەسىنىڭ 88-تارماعىنا سايكەس، اۋلا اۋماقتارىنان جانە كۆارتالشىلىك وتپە جولداردان كۇرەلگەن قاردى، جاياۋ جۇرگىنشىلەردىڭ ەركىن جۇرۋىنە جانە اۆتوكولىكتىڭ قوزعالىسىنا كەدەرگى كەلتىرمەيتىن ورىندا جيناۋعا رۇقسات ەتىلەدى.
«اتالعان فاكتىلەر بويىنشا پروكۋراتۋرا دەرەۋ ماتەريالداردى زەرتتەپ، كاسىپكەرلەرگە قاتىستى اكىمشىلىك ماتەريالدار بويىنشا پروكۋرورلىق اكت كەلتىردى»، - دەپ حابارلادى الماتى پروكۋراتۋراسى.