الماتى پوليسەيلەرى جۇك كونتەينەرلەرىن «ساتقان» كۇدىكتىنى ۇستادى

كۇدىكتى ۋاقىتشا ۇستاۋ يزولياتورىنا قامالدى.

پوليسيا قىزمەتكەرلەرى جەدەل ىزدەستىرۋ ءىس-شارالارى اياسىندا كونتەينەرلەردى «ساتقان» كۇدىكتىنى انىقتادى. بۇل 26 جاستاعى جەرگىلىكتى تۇرعىن بولىپ شىقتى، دەپ حابارلايدى Almaty-akshamy.kz.

ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، م.ەسىمدى ازامات الداۋ جوسپارىن ويلاپ تاۋىپ، سوعان سايكەس ارەكەت ەتكەن.  ول جارناما بەرىپ، كەلىسسوز جۇرگىزگەن، اقشا العان.

«سايتتاردىڭ بىرىندە كۇدىكتى كونتەينەرلەردى تومەن باعامەن ساتۋ تۋرالى جارنامالاردى كەزەڭمەن ورنالاستىرادى. ساتىپ الۋشى پايدا بولعان كەزدە، قاسكوي جالعان كەلىسىم-شارتتار جاساپ، تاۋار مەن جەتكىزىلىم ءۇشىن ءجۇز پايىزدىق الدىن الا اۋدارىم تۋرالى كەلىسىمگە كەلەدى. كليەنتتەردىڭ قاراجاتى بانك كارتالارىنا اۋدارىلادى. اقشانى العاننان كەيىن م.ەسىمدى ازامات بايلانىسقا شىعۋىن توقتاتىپ، قاراجاتتى قولما-قول اقشاعا اينالدىرىپ، جاسىرىنعان»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.

ءقازىردىڭ وزىندە بىرنەشە زارداپ شەككەندەر انىقتالدى. قىلمىستىق ءىس ق ر قك-نىڭ 190-بابى 3-بولىگى بويىنشا تەرگەلۋدە.

ۇستالعان ادام ۋاقىتشا ۇستاۋ يزولياتورىنا قامالدى. بۇل ادامنىڭ ارەكەتتەرىنەن زارداپ شەككەن ازاماتتاردى پوليسيا مىنا تەلەفون نومىرلەرى ارقىلى حابارلاسۋعا شاقىرادى: 8-708-707-92-02؛ 8-705-555-77-63؛ 8-705-771-13-71.