ولار شامامەن 15-20 انىقتاما ساتقان.
الماتى اۋەجايىنىڭ ەكى قىزمەتكەرى تەرىس پتر سىناقتارىن جاساعانى ءۇشىن ۇستالدى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى دەرەك بويىنشا، الماتى قالاسىنىڭ حالىقارالىق اۋەجايىنىڭ اۋماعىندا جۇرگىزىلگەن جەدەل ىزدەستىرۋ ءىس-شارالارى بارىسىندا ەكسترەميزمگە قارسى كۇرەس باسقارماسى، الماتى قالاسى پد كريمينالدىق پوليسيا باسقارماسىنىڭ قىزمەتكەرلەرى الماتى قالاسى بويىنشا ۇقكد بىرگە، 1992 جىلى تۋعان ج.ەسىمدى ازاماتتى جانە 1993 جىلعى ي.ەسىمدى ازاماتتى ۇستادى.
مامانداردىڭ ايتۋىنشا، قاماۋعا الىنعاندار شەتەلگە شىققاندار ءۇشىن تەرىس پتر-سىناقتارىن جاساعان، بارلىعى شامامەن 15-20 انىقتاما ساتقان. ولار پتر سىناقتارىن ۇيالى تەلەفونداعى ارنايى قوسىمشا ارقىلى وزدەرى جاساعان. قىزمەتكەرلەر كليەنتتىڭ جەكە دەرەكتەرى مەن انىقتامانىڭ بەرىلگەن كۇنىن تۇزەتكەن، كەيىننەن زاڭسىز ارەكەتكە بارعان اۋە كومپانيالاردىڭ وكىلدەرى جولاۋشىلاردى ۇشاققا وتىرعىزۋعا جىبەرەدى. الىنعان قاراجات وزدەرى مەن اۋە كومپانيالارىنىڭ وكىلدەرى اراسىندا بولىنگەن.
«قازىرگى ۋاقىتتا جەدەل تەرگەۋ ءىس-شارالارىنىڭ كەشەنى جۇرگىزىلۋدە، قاماۋعا الىنعانداردىڭ وسىعان ۇقساس تەرىس پتر سىناقتارىن جاساعان فاكتىلەرگە قاتىستىلىعى انىقتالۋدا. ءتيىستى ساراپتامالار تاعايىندالدى. «ساتۋشىلار»، ق ر قىلمىستىق ءىس جۇرگىزۋ كودەكسىنىڭ 128 بابىنا سايكەس، ۋاقىتشا ۇستاۋ يزولياتورىنا قامالدى»، – دەدى ۆەدومستۆودا.