اعىمداعى جىلى وسى ماقساتتارعا بيۋدجەتتەن 122،8 ملرد تەڭگە ءبولىندى.
قازاقستانداعى 168،3 مىڭ وتباسى اتاۋلى الەۋمەتتىك كومەك الدى، دەپ حابارلايدى Almaty-akshamy.kz.
مامانداردىڭ ايتۋىنشا، اتاۋلى الەۋمەتتىك كومەك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-نان تومەن ازاماتتارعا تاعايىندالادى.
«بۇدان باسقا، ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرلەرىندە تابىسى از وتباسىلاردىڭ مەكتەپ جاسىنا تولماعان بالالارىن كەپىلدىك بەرىلگەن الەۋمەتتىك توپتامامەن قامتاماسىز ەتۋ بويىنشا جۇمىس جۇرگىزىلۋدە. 2021 جىلعى 1 شىلدەدە ااك الۋشىلار قاتارىنداعى 1 جاستان 6 جاسقا دەيىنگى 201،5 مىڭ بالاعا ازىق-تۇلىك جانە تۇرمىستىق حيميا زاتتارىنىڭ جيىنتىعى تۇرىندە الەۋمەتتىك توپتاما تاعايىندالدى»، – دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
ەستەرىڭىزگە سالا كەتەيىك، ااك الۋشىلارعا تج رەجيمى مەن كارانتيندىك شەكتەۋ شارالارىنىڭ قولدانىلۋىنا بايلانىستى 2020 جىلعى II، III جانە IV توقسانداردا، سونداي-اق 2021 جىلعى I، II توقسانداردا كومەك تاعايىنداۋ ۇزارتىلدى.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، سونداي-اق egov.kz ەلەكتروندىق ۇكىمەت پورتالى ارقىلى بەرە الادى.