الماتى پوليسياسى سپورتشىلاردىڭ مۇلكىن ۇرلادى دەگەن كۇدىكتىلەردى ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
– ۇرلىق پاۆلودارلىق حوككەي كومانداسىنىڭ جاتتىعىپ جاتقان كەزىندە بولعان. بەلگىسىز ادامدار كيىم اۋىستىراتىن بولمەگە ەركىن كىرۋ مۇمكىندىگىن پايدالانىپ، سپورتشىلاردىڭ ءبىرىنىڭ جەكە مۇلكىن ۇرلاپ كەتكەن. بۇل تۋرالى دەرەۋ پوليسياعا حابارلاندى. بىرنەشە ساعاتتىڭ ىشىندە قىلمىس اشىلدى: جاقىن ماڭداعى اۋداننىڭ ءۇش جاس تۇرعىنى ۇستالدى. ايعاقتى زاتتار تاركىلەنىپ، يەسىنە قايتارىلدى، – دەيدى مەدەۋ اۋداندىق پب-عا قاراستى پوليسيا ءبولىمىنىڭ باسشىسى ەلدوس باقبەرگەنوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.