حالىقارالىق ناشاقورلىققا قارسى كۇننىڭ اياسىندا مەكتەپ وقۋشىلارى مەن كوللەدج ستۋدەنتتەرى قاتىسقان شاعىن فۋتبول جانە ۆولەيبول تۋرنيرلەرى ءوتتى.
الماتى پوليسەيلەرى حالىقارالىق ناشاقورلىقپەن كۇرەس كۇنى قارساڭىندا سپورتتىق ونكۇندىك وتكىزدى، – دەپ حابارلايدى Almaty-akshamy.kz. Polisia.kz. سايتىنىڭ حابارىنا سىلتەمە جاساپ.
ءىس-شارانى ەسىرتكىگە قارسى كۇرەس باسقارماسىنىڭ، اكىمدىكتىڭ جانە ءبىلىم باسقارماسىنىڭ قىزمەتكەرلەرىمەن بىرلەسىپ وتكىزدى. ويىنشىلارى 10-13 جاس ارالىعىنداعى بالالاردان قۇرالعان 46 فۋتبول كومانداسى جانە 14-16 جاس ارالىعىنداعى جاسوسپىرىمدەردەن قۇرالعان 10 ۆولەيبول كومانداسى ماراپاتتار مەن كۋبوكتار ءۇشىن سايىسقا ءتۇستى.
«ءبىزدىڭ ورتاق ماقساتىمىز – ەسىرتكىسىز بولاشاق قۇرۋ. دەنى ساۋ ۇرپاق – ەلىمىزدىڭ بولاشاعى. 1987 جىلدان باستاپ، جىل سايىن 26 ماۋسىمدا الەمدىك قوعامداستىق حالىقارالىق ناشاقورلىق پەن ەسىرتكىنىڭ زاڭسىز اينالىمىنا قارسى كۇندى اتاپ وتەدى. جاسوسپىرىمدەر مەن جاستار اراسىنداعى ناشاقورلىق – كۇننەن-كۇنگە ءورشىپ كەلە جاتقان جاھاندىق ماسەلە. بۇل - زامانىمىزدىڭ ەڭ قورقىنىشتى قۇبىلىستارىنىڭ ءبىرى. كۇن سايىن كوپتەگەن ادامدار ەسىرتكى تۇزاعىنا ىلىنۋدە، ونىڭ كومەگىمەن كۇندەلىكتى پروبلەمالاردان جاسىرىنۋعا تىرىسادى. ءوز ومىرىنە بايلانىستى مۇنداي ەكسپەريمەنتتەر ءۇشىن اقى تولەۋ شەكسىز، ال ناتيجەلەرى كەيدە قايتىمسىز بولادى»، – دەدى الماتى قالالىق پد ەسىرتكىگە قارسى كۇرەس باسقارماسىنىڭ باستىعى ەرلان الماعامبەتوۆ.
سونىمەن قاتار سپيكەر بۇگىندە قازاقستاندا ەسىرتكىگە قارسى ناقتى جانە دايەكتى ستراتەگيا جۇزەگە اسىرىلىپ جاتقانىن ەسكە سالدى. ونىڭ اياسىندا ناشاقورلىقتىڭ الدىن الۋعا، ەسكەرتۋگە جانە جولىن كەسۋگە باعىتتالعان ءبىرقاتار جوبالار باستالدى.
«ءبىز بارلىعىن ەسىرتكىدەن، تەمەكىدەن جانە الكوگولدەن باس تارتۋعا، ەسىرتكى جانە الكوگولدى ۇسىنعان ادامعا «جوق» دەپ ناقتى ايتۋعا، پسيحيكالىق بەلسەندى زاتتاردى قولدانۋعا بايلانىستى جاعدايلاردان اۋلاق بولۋعا جانە ءومىردى، سپورتتى، سالاۋاتتى ءومىر سالتىن تاڭداۋعا شاقىرامىز»، – دەدى ەرلان الماعامبەتوۆ.