ءتارتىپ ساقشىلارىنىڭ تۋرنيرىنە 10 ەرىكتى جانە 70 سپورتشى قاتىستى.
پد قىزمەتكەرلەرى جاستار اراسىندا «ەسىرتكىسىز» دەگەن ۇرانمەن فۋتبولدان تۋرنير ۇيىمداستىردى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
ءىس-شارانى پوليسيا دەپارتامەنتىنىڭ ەسىرتكىگە قارسى كۇرەس باسقارماسى قىزمەتكەرلەرى المالى اۋداندىق پوليسيا باسقارماسى جپق قىزمەتكەرلەرىمەن جانە «الماتى قالاسىنىڭ جاستار ساياساتىن دامىتۋ مەملەكەتتىك قورىنىڭ» ەرىكتىلەرىمەن بىرگە وتكىزدى. وعان الماتى قالاسى پد ەقكب، المالى اۋداندىق پب جپق يۋپب قىزمەتكەرلەرى، 10 ەرىكتى جانە 70 سپورتشى قاتىستى. ماقسات ورتاق بولدى: "ەسىرتكىسىز بولاشاق قۇرۋ! دەنى ساۋ ۇرپاق – ەلىمىزدىڭ بولاشاعى!".
«الدىن الۋ ءىس-شاراسى ازاماتتاردى ەسىرتكىنىڭ زاڭسىز اينالىمىنا قارسى كۇرەسكە قاتىسۋعا تارتۋ ماقساتىندا وتكىزىلدى. بۇل - ەسىرتكى ساۋداسىنىڭ الدىن الۋعا باعىتتالعان قادام. سونداي-اق، قوعامنىڭ ەسىرتكىگە تاۋەلدىلىك ماسەلەسىنە دەگەن دۇرىس قاتىناسىن قالىپتاستىرۋ. جاسوسپىرىمدەر مەن جاستار اراسىنداعى ناشاقورلىق الەمدىك ماسشتابتا عانا ەمەس، دامىپ كەلە جاتقان قازاقستانداعى ماسەلە بولىپ تابىلادى. بۇل - ءبىزدىڭ زامانىمىزدىڭ ەڭ قورقىنىشتى قۇبىلىستارىنىڭ ءبىرى»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
