«كوكتەم-2023» وقۋ-جاتتىعۋلارى بارىسىندا وزەن مەن ارىق جەلىلەرىنەن 640 تەكشە مەتردەن استام قوقىس شىعارىلدى.
الماتىدا «كوكتەم-2023» وقۋ-جاتتىعۋلارى بارىسىندا جالپى ۇزىندىعى 54 شاقىرىم بولاتىن وزەندەر مەن ارىقتاردان 640 م3 لاي، باتپاق، تاستار، قاتتى تۇرمىستىق قالدىقتار شىعارىلدى، دەپ حابارلايدى اlmaty-akshamy.kz
وقۋ-جاتتىعۋلارعا ق ر ۇقك «وڭتۇستىك» وڭىرلىك قولباسشىلىعى، قازاقستان رەسپۋبليكاسى قارۋلى كۇشتەرى اەرو-دەسانتتىق-شابۋىلداۋشى اسكەرلەرىنىڭ بىرىكتىرىلگەن روتاسى، مەردىگەرلەر مەن قالانىڭ ازاماتتىق قورعاۋ قىزمەتتەرى، ەرىكتىلەر ۇيىمدارى مەن تجم اۋماقتىق بولىمشەلەرى تارتىلدى. 600-دەن استام ادام جانە 309 تەحنيكا جۇمىلدىرىلدى.
«تازارتۋ جۇمىستارى ەسەنتاي وزەنىنەن باستالدى. ۇزىندىعى ءبىر شاقىرىمنان اساتىن مۇز بەن قوقىستى تازالاۋعا 89 ينجەنەرلىك تەحنيكا جۇمىلدىرىلعان»، - دەلىنگەن ق ر توتەنشە جاعدايلار مينيسترلىگىنىڭ باسپا ءسوز قىزمەتى تاراتقان حابارلامادا.
سونىمەن قاتار، قالانىڭ قالعان جەتى اۋدانىندا وقۋ-جاتتىعۋ جۇمىستارى جۇرگىزىلىپ، سونىڭ اياسىندا وزەن ارنالارى مەن سۋعارۋ ارىقتارى تاستاردان، لايلاردان، قاتتى قالدىقتاردان، بۇتاقتاردان تازارتىلدى.
سايران كولىندە دە ءبىرقاتار جۇمىستار اتقارىلدى. توتەنشە جاعدايلار مينيسترلىگىنىڭ ۆەدومستۆولىق مەكەمەلەرى جانە اۋماقتىق بولىمشەلەرىنىڭ، سونداي-اق قالانىڭ ازاماتتىق قورعاۋ مەملەكەتتىك جۇيەسىنىڭ قىزمەتتەرىنىڭ سۋ ايداۋ قۇرالدارى قولدانىلدى. سۋ ءتۇبىن تۇنبا مەن شوگىندىلەردەن تازارتۋ، جاعالاۋدى قوقىستان تازارتۋ جۇمىستارى ءجۇردى. اتقارىلعان جۇمىستار قالاداعى وزەندەر مەن ارىقتاردىڭ وتكىزۋ جۇيەسىن جاقسارتىپ، سۋ تاسقىنىنىڭ الدىن الادى.