2024 جىلى اۆياسيالىق بولىمشەنىڭ كۇزەتىلەتىن اۋماعىندا 10 ورمان ءورتى تىركەلدى، جالپى جانۋ الاڭى 434 گەكتاردى قۇرادى. اۆياسيالىق ءورت ءسوندىرۋ قىزمەتىنىڭ جەدەل جۇمىسىنىڭ ارقاسىندا 8 ءورت اۋەدەن ءسوندىرىلىپ، زالال بارىنشا ازاي̆تىلدى. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا «قازاۆياورمانقورعاۋ» رمقك الماتى اۆياسيالىق بولىمشەسىنىڭ باسشىسى بەكزات باي̆شالوۆ مالىمدەدى، دەپ حابارلايدى aqshamnews.kz
«ءورتتى انىقتاۋ دەڭگەي̆ءى 75%-دى قۇرادى، ال اۆياسيالىق ءورت ءسوندىرۋ قىزمەتىنىڭ ءورتتى سوندىرۋگە قاتىسۋى 80%-عا جەتتى»، – دەدى باي̆شالوۆ.
الماتىلىق اۆياقۇتقارۋشىلاردىڭ قورعاۋىندا 672 مىڭ گەكتار ورمان قورى بار، وعان ءۇش ۇلتتىق تابيعي پارك (ىلە-الاتاۋ، «كولساي̆ كولدەرى»، «شارىن»)، ءبىر مەملەكەتتىك قورىق جانە جەتى كوممۋنالدىق مەملەكەتتىك مەكەمە كىرەدى. 2025 جىلى ىلە-بالقاش تابيعي رەزەرۆاتى اۋماعىن اۆياسيالىق پاترۋلدەۋ جوسپارلانىپ وتىر.
2025 جىلعا قاراي̆ اۆياسيالىق بولىمشەنىڭ شتاتى تولىق جاساقتالعان، قىزمەتكەرلەر مەديسينالىق تەكسەرىستەن جانە تەوريالىق دايارلىقتان ءوتتى.
«ءبىز ءورت ءقاۋپى جوعارى ماۋسىمعا تولىق داي̆ىنبىز. ءورت ءسوندىرۋ تەحنيكاسى، قۇرالدارى مەن باي̆لانىس جابدىقتارى تەكسەرىلىپ، تولىقتاي̆ جارامدى كۇي̆گە كەلتىرىلدى»، – دەپ اتاپ ءوتتى بولىمشە باسشىسى.
سپيكەر وتكەن جىلى ءبىرقاتار جاڭارتۋلار جۇرگىزىلگەنىن ەسكە سالدى: جاڭا موديفيكاسياداعى موتوپومپالار، جوعارى قىسىمدى قوندىرعىلار، رانسەلىك اۋا ۇرلەگىشتەر، تۇتاتقىش قۇرىلعىلار، سونداي̆-اق ەكى جاڭا اۆتوكولىك – Jac-T6 جانە گازەل-سوبول ساتىپ الىندى.