اۆتورلار بۇل جوبا وقۋشىلاردىڭ قاجەتسىز سايتتاردى كورۋىن ازايتاتىنىنا سەنىمدى.
الماتىدا وقۋشىلارعا تىيىم سالىنعان سايتتاردىڭ "قارا ءتىزىمى" جاسالادى، دەپ حابارلايدى Almaty-akshamy.kz قالالىق پروكۋراتۋرانىڭ باسپا ءسوز قىزمەتىنە سىلتەمە جاساپ.
بۇعان دەيىن الەۋمەتتىك جەلىلەردە مەكتەپتەردىڭ بىرىندە وقۋشىلار پورنوگرافيالىق بەينەروليكتەردى كوردى دەگەن ۆيدەو تاراعان بولاتىن.
"بيلىكتىڭ قاجەتسىز سايتتاردى بۇعاتتاۋ بويىنشا قابىلداعان شارالارىنا قاراماستان، كۇن سايىن جاڭالارى پايدا بولادى"، - دەپ ءتۇسىندىردى ۆەدومستۆو.
پروكۋرورلىق قاداعالاۋ اكتىسى بويىنشا ءبىلىم باسقارماسى بۇيرىق قابىلدادى. وعان سايكەس، "ءبىلىم بەرۋدەگى جاڭا تەحنولوگيالاردىڭ قالالىق عىلىمي-ادىستەمەلىك ورتالىعى" وسىنداي سايتتاردىڭ "قارا ءتىزىمىن" قاداعالاپ، قالىپتاستىرۋعا مىندەتتەلدى.