بۇل تۋرالى الماتى ونكولوگيالىق ورتالىعىنىڭ ديرەكتورى نۇرسۇلتان ىزماعامبەتوۆ ايتتى.
سپيكەردىڭ سوزىنشە بيىلعى جىلدىڭ ءبىرىنشى جارتىجىلدىعىندا الماتى ونكولوگيالىق ورتالىعىندا 10،5 مىڭ ناۋقاس ەم العان، وتكەن جىلى 6 ايدا 9،5 مىڭ ناۋقاس بولدى. مۇنداي كورسەتكىش 2016 جىلدىڭ سوڭىندا تىركەلسە، بۇگىندە 6 ايدىڭ ىشىندە جەتىپ وتىر، دەپ حابارلايدى Almaty-akshamy.kz.
«ءقازىردىڭ وزىندە قالالىق ونكولوگيالىق ورتالىقتىڭ حيرۋرگيالىق بولىمشەلەرىندە 1500-دەن استام حيرۋرگيالىق وتا جاسالدى. ولاردىڭ كوپشىلىگى وڭالتۋ ۋاقىتىن قىسقارتۋعا جانە لاپاروسكوپيانى قولداناتىن بىرەگەي جوعارى تەحنولوگيالىق زاماناۋي گينەكولوگيالىق، ماممولوگيالىق، كەۋدە قۋىسىنا جاسالاتىن، ابدومينالدى، ۋروگەنيتالدى وتالار. ولاردى شاعىن ءينۆازيۆتى تەحنولوگيالار دەسە بولادى، بۇرىن مۇنداي وتالاردى جاساتۋ ءۇشىن ءبىزدىڭ ازاماتتار شەتەلگە باراتىن. الماتى ونكولوگيالىق ورتالىعى قازاقستانداعى اشىق جانە لاپاروسكوپيالىق وتا جاسايتىن كلينيكالاردىڭ ءبىرى. بۇل ءۇشىن ورتالىقتا بارلىق قاجەتتى مەديسينالىق قۇرال-جابدىق بار»، – دەيدى دارىگەر.