وبلىستىڭ تاۋلى اۋداندارىندا تەمپەراتۋرا جوعارىلاپ، سالدارىنان مۇزدىقتار قارقىندى ەرىپ، مورەنالىق-مۇزدىق كولدەرى تولادى. وزەن ارنالارىنداعى اعىننىڭ جوعارىلاۋى ەسەبىنەن كۇردەلى سەل جاعدايى ساقتالىپ وتىر. سونداي-اق الماتى وبلىسىنىڭ اكىمدىگى، تالعار اۋدانىنىڭ تۇرعىندارىنا تالعار وزەنىنىڭ باسسەينىندەگى №19 كول قازىرگى كولدىڭ سولتۇستىك جانە سولتۇستىك-شىعىس بولىگىندە جينالعان سۋ جاعالاۋدى جىرىپ اعۋى ىقتيمال ەكەنىن ايتادى، دەپ حابارلايدى aqshamnews.kz.
«سول سەبەپتى ءقاۋىپ ءتوندىرۋى مۇمكىن. فوندىق باعالاۋ ادىستەمەسىنە سۇيەنە وتىرىپ سەل اعىندارىن بولجاۋ بويىنشا مۇزدىق كولدىڭ سەرپىلىسى اعىمداعى جىلدىڭ 6 تامىزىنان باستاپ بولۋى مۇمكىن. وسىعان بايلانىستى اۋداننىڭ تۇرعىندارى، قوناقتارى جانە دەمالۋشىلار مەن تۋريستەر تالعار قالاسىنىڭ باسىندا ورنالاسقان گيروتەحنيكالىق قوندىرعىدان اسىپ تاۋعا، دەمالىس ورىندارعا شىعۋعا تىيىم سالىنادى»، - دەلىنگەن حابارلامادا.
اكىمدىك تالعار وزەنى ارناسىنا جاقىن ورنالاسقان تۇرعىن ءۇي يەلەرىنە جانە جەرگىلىكتى حالىققا ۇنەمى الەۋمەتتىك جەلىلەردى، تەلەديديار جانە راديوبايلانىس جەلىلەرىنە، ەلەكتروسيرەنالاردىڭ قوسىلۋى كەزىندە مۇقيات تىڭداپ، قۇلاق تۇرۋگە شاقىرادى.