بۇل تۋرالى وبلىستىق پروكۋراتۋرا ءمالىم ەتتى.
قاداعالاۋ ورگانىنىڭ مالىمەتىنشە، «جارناما تۋرالى» زاڭدا جارنامانىڭ تۇرلەرى ناقتى ايقىندالعان جانە ماڭدايشالار سىرتقى جارناماعا جاتپايدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«الايدا، جەرگىلىكتى اتقارۋشى ورگاندار بيزنەس سۋبەكتىلەرىنىڭ جارناماسى تۋرالى اقپاراتتى مەملەكەتتىك كىرىستەر ورگاندارىنا جولداعان كەزدە، ماڭدايشانى دا جارناما رەتىندە كورسەتكەن. 220 كاسىپكەرگە قاتىستى وسىنداي زاڭبۇزۋشىلىق ورىن الىپ، پروكۋراتۋرانىڭ قاداعالاۋ اكتىسى نەگىزىندە بۇگىنگى كۇنى 60 كاسىپكەردىڭ دەربەس شوتىنا زاڭسىز ءوندىرىپ الىنعان سالىق ارتىق تولەم رەتىندە ەسەپتەلدى»، - دەپ حابارلادى وبلىستىق پروكۋراتۋرادان.
قاداعالاۋ ورگانى وسىنداي سالىقتى تولەۋگە مىندەتتەگەن كەزدە پروكۋراتۋراداعى كاسىپكەرلەردىڭ قۇقىعىن قورعاۋعا باعىتتالعان ءموبيلدى توپتارعا جۇگىنۋدى سۇرادى.