جىل باسىنان بەرى الماتى وبلىسىنىڭ پوليسەيلەرى حابار-وشارسىز كەتكەن 82 ادامنىڭ ورنالاسقان جەرىن انىقتادى.
ءاربىر ىزدەۋ ءىس شاراسىنا “LIDER.KZ” ەرىكتىلەر قوزعالىسىنىڭ وكىلى بەلسەندى تۇردە قاتىسۋدا، دەپ حابارلايدى aqshamnews.kz Polisia.kz-كە سىلتەمە جاساپ.
– ءتارتىپ ساقشىلارى ەرىكتىلەر قوزعالىسىمەن تۇراقتى تۇردە جۇمىس ىستەيدى. “LIDER.KZ” ەرىكتىلەر قوزعالىسىنىڭ ءمىنسىز جۇمىسىن اتاپ وتكىم كەلەدى. ولار كۇندىز دە، تۇندە دە بايلانىستا. حابار-وشارسىز كەتكەن ادامداردىڭ كوبىسى ولاردىڭ تىكەلەي كومەگىمەن تابىلعان، – دەپ اتاپ ءوتتى الماتى وبلىسى پد كپب باستىعى رۋسلان سماعۇلوۆ.
جىل باسىنان بەرى قۇقىق قورعاۋ ورگاندارى حابار-وشارسىز كەتكەن 82 ادامدى ىزدەستىرىپ تاپتى، ونىڭ ىشىندە 44ء-نىڭ ىزدەستىرۋ ءىس-شاراسىنا ەرىكتىلەر قاتىستى. ەگەر ادام جوعالىپ كەتسە، تانىستارىنا، دوستارىنا جانە تۋىستارىنا دەرەۋ قوڭىراۋ شالۋ كەرەك. قانداي دا ءبىر اقپارات بولماعان جاعدايدا، جوعالعان ادامنىڭ سوڭعى بەلگىلى بولعان جەرى بويىنشا پوليسيا بولىمىنە نەمەسە جاقىن جەردەگى پوليسيا بولىمىنە دەرەۋ حابارلاسۋ قاجەت.