الماتى وبلىسىنىڭ پوليسياسى ءدامحاناعا كەلۋشىلەردىڭ جاپپاي ۋلانۋىن تەكسەرىپ جاتىر

اۋرۋحاناعا مەديسينالىق كومەك الۋ ءۇشىن 18 ازامات جۇگىنگەن.

الماتى وبلىسىنىڭ پوليسياسى ءدامحاناعا كەلۋشىلەردىڭ جاپپاي ۋلانۋىن تەكسەرىپ جاتىر، دەپ حابارلايدى Almaty-akshamy.kz قازتاگ-قا سىلتەمە جاساپ.

«30 قاڭتاردا ادامداردىڭ جاپپاي ۋلانۋ فاكتىسى بويىنشا ق ر قك 304-بابى (سانيتارلىق ەرەجەلەردى نەمەسە گيگيەنالىق نورماتيۆتەردى بۇزۋ) بويىنشا قىلمىستىق ءىس تىركەلدى. تەكسەرۋ بارىسىندا زارداپ شەككەندەردىڭ «بەساعاش» كەنتىندە ورنالاسقان كافەلەردىڭ بىرىندە تاماق ىشكەننەن كەيىن دەنساۋلىق جاعدايىنا شاعىم تۇسكەنى انىقتالدى»، - دەپ حابارلادى الماتى وبلىسى پوليسيا دەپارتامەنتىنىڭ باسپا ءسوز قىزمەتىنەن.

قۇقىق قورعاۋ ورگاندارىنىڭ قىزمەتكەرلەرىنىڭ ايتۋىنشا، اۋرۋحاناعا مەديسينالىق كومەك الۋ ءۇشىن 18 ازامات جۇگىنگەن، ولاردىڭ اراسىندا جاس بالالار دا بار.

«اتالعان فاكت بويىنشا قاجەتتى ازىق-تۇلىك تاركىلەنىپ، ساراپتاما تاعايىندالدى، ونىڭ ناتيجەسى بويىنشا تۇپكىلىكتى پروسەسسۋالدىق شەشىم قابىلدانادى»، - دەپ تولىقتىردى پوليسيا قىزمەتكەرلەرى.

بەلگىلى بولعانداي، زارداپ شەككەندەردىڭ جاعدايى تۋرالى شاعىمدار اتالعان كافەدەن دونەر كەبابتى جەگەننەن كەيىن باستالدى.