بۇل - مەملەكەت باسشىسى قاسىم-جومارت توقايەۆتىڭ ورتالىق سايلاۋ كوميسسياسىنا بەرگەن تاپسىرماسى.
پرەزيدەنت ورتالىق سايلاۋ كوميسسياسىنىڭ ءتوراعاسى نۇرلان ءابدىروۆتى قابىلدادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
مەملەكەت باسشىسىنا ورتالىق سايلاۋ كوميسسياسىنىڭ سايلاۋارالىق كەزەڭدەگى قىزمەتىنىڭ باسىم باعىتتارى تانىستىرىلدى. سونىمەن قاتار قاسىم-جومارت توقايەۆقا اۋداندىق ماڭىزى بار قالالاردىڭ، اۋىلداردىڭ، كەنتتەردىڭ، اۋىلدىق وكرۋگتەردىڭ اكىمدەرىن سايلاۋ ناۋقانىن وتكىزۋگە قاتىستى وڭىرلەردەگى سايلاۋ ورگاندارىنىڭ جۇمىسى تۋرالى باياندالدى.
كەزدەسۋ قورىتىندىسى بويىنشا پرەزيدەنت ورتالىق سايلاۋ كوميسسياسىنا سايلاۋارالىق ۇدەرىستەردىڭ زاڭعا سايكەس تولىق اشىق بولۋىن قامتاماسىز ەتۋدى تاپسىردى.