ءتىنتۋ كەزىندە شامامەن 30 كەلىدەي ەسىرتكى تاركىلەندى.
الماتى وبلىسىنىڭ پوليسەيلەرى ءىرى ەسىرتكى زەرتحاناسىن جويدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
22 جەلتوقساندا ەڭبەكشىقازاق اۋدانى پب-عا قاراشىعىل اڭشىلىق شارۋاشىلىعىنىڭ قورىقشىلارىنان ەڭبەكشىقازاق اۋدانىنىڭ بالتاباي اۋىلىنىڭ شەتىنەن كۇدىك تۋدىرعان ەكى ۋكراينا رەسپۋبليكاسىنىڭ ازاماتى تەكسەرىلگەنى تۋرالى حابارلاما كەلىپ ءتۇستى.
وقيعا ورنىنا كەلگەن پوليسيا قىزمەتكەرلەرى 43 جانە 28 جاستاعى شەتەلدىكتەردىڭ اۆتوكولىكتەرىن تەكسەرۋ ورنىنان الىس ەمەس جەردە تەرگەۋ ءىس-قيمىلدارىن جۇرگىزۋ بارىسىندا قارا ءتۇستى پاكەتتى تاپتى. ال پاكەت ىشىنەن اق ءتۇستى ۇنتاق تۇرىندەگى زاتتارى بار ءمولدىر پوليەتيلەن پاكەتتەر تاركىلەندى. بۇدان ءارى الماتى وبلىسى پد ەققكب قىزمەتكەرلەرى جەدەل ءىس-شارا بارىسىندا ىقتيمال ەسىرتكى زەرتحانالارىنىڭ ەكى مەكەنجايىن انىقتادى. سانكسيالانعان ءتىنتۋ جۇرگىزۋ كەزىندە اتالعان ورىننان ۋكراينا رەسپۋبليكاسىنىڭ تاعى التى ازاماتى ۇستالدى.
سونىمەن قاتار زەرتحانالىق جابدىقتار، شىنى ىدىستار مەن كريستالدى زاتتارى بار مەتالل تاباقتار، حيميالىق زاتتار تاركىلەندى. ءتىنتۋ كەزىندە شامامەن 30 كەلى «جىلدامدىق» ەسىرتكى زاتى تاركىلەندى. اتالعان دەرەك بويىنشا سوتقا دەيىنگى تەرگەۋدى ەڭبەكشىقازاق اۋدانىنىڭ پوليسيا باسقارماسى جۇرگىزەتىن بولادى.
قىلمىستىق ءىس ق ر قك-نىڭ 297-بابىنىڭ، 3-بولىگى بويىنشا تىركەلگەن. كۇدىكتىلەر قاماۋعا الىندى. ايتا كەتۋ كەرەك، جاۋاپ الۋ كەزىندە ۇستالعاندار وسىنداي تىيىم سالىنعان زاتتاردى ءوندىرۋ بويىنشا ءۇشىنشى زەرتحانانىڭ اشىلۋىنا دايىندالعاندارىن جەتكىزگەن.