ەكولوگيانى تازارتۋ ماقساتىندا ارنايى اكسيا ءوتتى.
الماتى وبلىسىنىڭ بارلىق اۋدان، قالاسىندا «بىرگە تازا قازاقستان» اكسياسى ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اكسيا بارسىندا وزەن-كولدەردىڭ، سۋ قويمالارىنىڭ جاعالاۋلارى، جول جيەكتەرى، اۋلا-كوشەلەر، الاڭدار، مادەني دەمالىس ساياباقتارى قوقىستان تازارتىلدى.
وعان جەرگىلىكتى تۇرعىندار، جاستار، كاسىپكەرلەر، مەملەكەتتىك قىزمەتشىلەر، ۇكىمەتتىك ەمەس قوعامدىق ۇيىمداردىڭ ساياسي پارتيالاردىڭ بۇقارالىق اقپارات قۇرالدارىنىڭ وكىلدەرى، ەرىكتىلەر بەلسەنە قاتىستى. اتقارىلعان جۇمىستارىڭ ناتيجەسىندە قوردالانعان قوقىستار سۇرىپتالىپ، ءتيىستى مەكەمەلەردىڭ ارنايى اۆتوكولىكتەرىمەن بەلگىلەنگەن تۇرمىستىق قاتتى قالدىقتار پوليگوندارىنا توگىلدى.
«اكسيانىڭ ماقساتى - جەرىمىزدى قوقىستاردان تازارتۋ، تۇرعىنداردىڭ ەكولوگياعا دەگەن كوزقاراسىن وزگەرتۋ، ولاردى تابيعاتتى قاستەرلەۋگە، قادىرلەۋگە، جاناشىرلىق تانىتۋعا ناسيحاتتاۋ»، - دەپ اتاپ ءوتتى الماتى وبلىسى بويىنشا ەكولوگيا دەپارتامەنتىنىڭ وكىلدەرى.