تاۋاردىڭ جالپى قۇنى بەس ميلليون تەڭگەگە تاياۋ
الماتى وبلىسىنىڭ كاسىپكەرلەرى قوستاناي وبلىسىنداعى ورتتەن زيان شەككەن اعايىنعا ءالى دە كومەگىن بەرىپ جاتىر، دەپ حابارلايدى Almaty-akshamy.kz "حابار 24" تەلەارناسىنا سىلتەمە جاساپ.
بۇگىن كاسىپكەردىڭ ءبىرى ءۇش جۇك كولىگىنە گازدىبلوك تيەپ، وڭىرگە جونەلتتى. تاۋاردىڭ جالپى قۇنى بەس ميلليون تەڭگەگە تاياۋ. بۇل كىرپىش بىرنەشە ءۇيدىڭ قابىرعاسىن كوتەرۋگە جەتەدى. كومەك بۇل عانا ەمەس. وسى كىرپىش زاۋىتىندا ەڭبەك ەتەتىن 130 جۇمىسشى ءبىر كۇندىك جالاقىسىن اۋداردى. قۇرىلىس ماتەريالدارىن تيەگەن جۇك كولىكتەرى 2 مىڭ شاقىرىمداعى اۋليەكول اۋدانىنا ءۇش تاۋلىكتە جەتەدى.
«120 شارشى مەتر ءبىر ۇيگە دەپ ەسەپتەگەنبىز. وندا 120-دان ەسەپتەگەندە 4 ۇيگە جەتەتىن قۇرىلىس ماتەريالىن بەرىپ وتىرمىز. بۇل اۆتوكلادتان شىققان گازابلوك تەز سالىنادى. ءبىر جاعىنان جىلى، ەكىنشى جاعىنان سۋىق وتكىزبەيدى، جىلىنى ىشتەن سىرتقا شىعارمايدى»، - دەدى كاسىپكەر توقان بوتابەكوۆ.