الماتى وبلىسىندا 17 جاستاعى جىگىتتى اتىپ كەتكەن كۇدىكتىلەر ۇستالدى، دەپ حابارلايدى Almaty-akshamy.kz ىشكى ىستەر مينيسترلىگىنىڭ Telegram-ارناسىنا سىلتەمە جاساپ.
5 تامىزدا ەڭبەكشىقازاق اۋدانىنداعى بايدىبەك بي اۋىلىندا تۇندە وقۋشىلار اراسىندا توبەلەس بولدى. سول كەزدە مىلتىقتان وق اتىلدى. ءبىر ءۇيدىڭ اۋلاسىندا 17 جاستاعى ءجاسوسپىرىمنىڭ ءمايىتى تابىلدى. دەنەسىندە وق جاراقاتى بولدى.
«ول مىلتىق ۇستالعانداردىڭ ءبىرىنىڭ اكەسىنە تيەسىلى. قازىرگى ۋاقىتتا 9 كۇدىكتى ۋاقىتشا قاماۋ يزولياتورىنا توعىتىلدى»، - دەيدى پوليسەيلەر.
قىلمىستىق كودەكستىڭ 99-بابى 9-تارماعىنىڭ 2-بولىگى (ادام ءولتىرۋ) بويىنشا سوتقا دەيىنگى تەرگەۋ شارالارى باستالدى. سوت-مەديسينالىق ساراپتامالار تاعايىندالدى.
بۇدان بولەك، قىلمىستىق كودەكستىڭ 293 – بابى (بۇزاقىلىق) بويىنشا جاۋاپقا تارتىلعاندار بار. ايتا كەتەرى، ادام ءولتىرۋ بابى بيوىنشا ون بەس جىلدان جيىرما جىلعا دەيiنگi مەرزiمگە باس بوستاندىعىنان ايىرۋ نە ءومiر بويىنا باس بوستاندىعىنان ايىرۋ جازاسى قاراستىرىلعان.